Mu bayobozi batowe, harimo Mulindwa Prosper watorewe kuyobora Akarere ka Rubavu. Yari asanzwe ayobora Akarere ka Rutsiro by’Agateganyo ndetse yabaye Umuyobozi wungirije w’Akarere ka Rulindo.

Mukamana Soline we yatorewe kuyobora Akarere ka Burera agize amajwi 200 mu gihe uwo bari bahanganye ari Mujawamariya Margueritte we yagize amajwi 101. Yari asanzwe ari Umunyamabanga Nshingwabikorwa w’Umurenge wa Gatumba mu Karere ka Ngororero ndetse yanabaye ushinzwe imiyoborere muri ako karere.

Mukase Valentine we yatorewe kuba Meya w’Akarere ka Karongi. Yari asanzwe ari Visi Meya ushinzwe imibereho myiza y’abaturage. Yatowe ku majwi 213 kuri 76 ya Pascasie Umuhoza bari bahanganye.

Umuhoza Pascasie we yatorewe kuba Visi Meya ushinzwe Imibereho myiza mu Karere Karongi, asimbuye Mukase watorewe kuyobora aka karere.

Kagabo Rwamunono Richard we yatorewe kuba Umuyobozi w’Akarere ka Rwamagana wungirije ushinzwe Iterambere ry’Ubukungu.

Mu Karere ka Gakenke, Umuyobozi w’Akarere yabaye Mukandayisenga Vestine. Yari asanzwe akora muri DUHAMIC ADRI ashinzwe ibikorwa by’ubugenzuzi.

Mupenzi Narcisse we yatorewe kuyobora Akarere ka Nyamasheke. Yari asanzwe akora muri Minisiteri y’Ubutabera ashinzwe kwegereza ubutabera abaturage.

Nsengimana Claudien yatorewe kuyobora Akarere ka Musanze. Yari asanzwe akora imirimo ijyanye n’imari, aho yari amaze imyaka igera kuri 18. Yanakoze kandi mu mirimo idashingiye ku buhinzi begera ibigo by’imari, ishoramari mu by’ubukerarugendo.

Kayitesi Dative wari usanzwe ari Umuhuzabikorwa w’Inama y’igihugu y’Abagore ku rwego rw’Intara y’Iburengerazuba we yatorewe kuyobora Akarere ka Rutsiro. Umuganwa Marie Chantal we yatorewe kuba Visi Meya ushinzwe Imibereho myiza w’Akarere ka Rutsiro

Uwizeyimana Emmanuel wari Umukozi muri RDB yatorewe kuba Visi Meya wa Rutsiro ushinzwe ubukungu. Yagize amajwi 153 naho Uwimbabazi Zawadi bari bahanganye agira 59.

Mulindwa Prosper yatorewe kuyobora Akarere ka Rubavu

Mukamana Soline yatorewe kuyobora Akarere ka Burera

Mupenzi Narcisse ni we muyobozi mushya w'Akarere ka Nyamasheke

Mukase Valentine yatorewe kuba Meya wa Karongi. Yari asanzwe ari Visi Meya ushinzwe imibereho myiza y'abaturage

Mukandayisenga Vestine yatorewe kuyobora Akarere ka Gakenke

Nsengimana Claudien yatorewe kuyobora Akarere ka Musanze

Kagabo Rwamunono Richard yatorewe kuba Umuyobozi w’Akarere ka Rwamagana wungirije ushinzwe Iterambere ry’Ubukungu

Umuhoza Pascasie ni we watorewe kuba Visi Meya ushinzwe imibereho myiza w'Akarere ka Karongi

Kayitesi Dative yatorewe kuyobora Akarere ka Rutsiro

Umuganwa Marie Chantal yatorewe kuba Visi Meya ushinzwe Imibereho myiza w'Akarere ka Rutsiro