00:00:00 IGIHE NETWORK KN KINYARWANDA EN ENGLISH FR FRANCAIS

Urubanza rwa Munyenyezi Béatrice rwimuwe

Yanditswe na Prudence Kwizera
Kuya 31 May 2022 saa 11:11
Yasuwe :

Urubanza rwa Munyenyezi Béatrice ukurikiranyweho ibyaha bya Jenoside yakorewe Abatutsi muri Mata 1994, rwimuwe kuko abacamanza batabonetse.

Ni umwanzuro wafashwe bitewe n’uko abacamanza batabonetse kuri uyu wa Kabiri tariki ya 31 Gicurasi 2022, umunsi yagombaga kuburanaho.

Amakuru IGIHE yahawe n’ubwanditsi bw’Urukiko Rwisumbuye rwa Huye aho Munyenyezi asanzwe aburanira, yemeza ko urubanza rwe rwashyizwe ku ya 14 Nyakanga 2022 kuko abacamanza bari mu mahugurwa.

Yaherukaga mu rukiko tariki ya 10 Gicurasi 2022 ubwo abamwunganira mu mategeko Me Bikotwa Bruce na Me Gashema, bagaragarizaga urukiko ko hari ibyo batigeze babona mu bigize dosiye y’uregwa, basaba ko urubanza rwimurirwa ku yindi tariki.

Icyo gihe bagaragaje imbogamizi umukiliya wabo afite zo kuba aho afungiwe mu Karere ka Nyamagabe ubuzima abayemo butamushyira mu buryo bwiza bwo kuba yabona ubuvuzi bw’umuvuduko w’amaraso bityo yagasubijwe gufungirwa muri Gereza ya Nyarugenge.

Munyenyezi akurikiranyweho ibyaha birimo icyo kwica n’icya Jenoside, gucura umugambi wo gukora Jenoside, gutegura Jenoside no gushishikariza abantu ku buryo buziguye cyangwa butaziguye gukora Jenoside.

Akurikiranyweho kandi icyaha cy’ubufatanyacyaha muri Jenoside, icyo kurimbura n’icyibasiye inyoko muntu. Yagejejwe mu Rwanda ku wa 16 Mata 2021 yoherejwe na Leta Zunze Ubumwe za Amerika.

Urubanza rwa Munyenyezi Béatrice rwimuriwe muri Nyakanga 2022

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .