United Scholars Center yashyize igorora abanyarwanda bifuza kwiga mu bihugu byateye imbere

Yanditswe na Evariste Nsengimana
Kuya 15 Gashyantare 2019 saa 01:32
Yasuwe :
0 0

Abanyarwanda n’abandi batuye muri Afurika bifuza kongera ubumenyi, bashyiriweho amahirwe adasanzwe abafasha kujya kwiga mu mashuri yo mu bihugu byateye imbere birimo; Canada, Amerika, Australia, Pologne, Turikiya n’ibindi bitabagoye.

Ni uburyo bafashwamo n’ikigo ‘United Scholars Center’ gikorera mu Rwanda no mu bihugu bihana imbibi, kizobereye mu guhuza abanyeshuri n’ibigo by’amashuri meza yo mu bihugu byateye imbere.

Iki kigo gifasha abafite inzozi zo kwiga no kwihugura mu byiciro bitandukanye, cyanateguye igikorwa cyo guhuza kaminuza zo mu bihugu byateye imbere, abiga mu mahanga, abifuza kwigayo n’ababarera cyo kungurana ubumenyi no guhana amakuru, kizabera muri Marriott Hotel ku wa 16 Gashyantare 2019.

Mu kiganiro IGIHE yagiranye n’umuyobozi ushinzwe ububanyi n’amahanga muri United Scholars Center, Niyomurinzi Ismael, yavuze ko bafasha abanyeshuri guhitamo amashuri meza n’ibindi bisabwa n’amashuri bashaka kujya kwigamo.

Ati “Duhuza amashuri n’abanyeshuri bo muri Afurika bafite inzozi zo kujya kwiga hanze. Abanyeshuri babyifuza, bafite ubushobozi, abo nibo dufasha ba mbere.”

Yakomeje agira ati “Tubafasha guhera ku munsi batuzaniye dosiye, tubafasha kuzuza ibisabwa ku ishuri, gukurikirana niba bemerewe, tubafasha ibijyanye no kubona Visa, gushaka itike y’indege, gushaka aho bazaryama no gutegura abazabakira bagiyeyo bwa mbere.”

Uretse ababasha kwirihira 100%, iki kigo gifasha n’abashobora kwirihira 50% kubona amashuri abarihira 50% asigaye, rimwe na rimwe bagafasha n’abanyeshuri kubona amashuri abarihira 100%.

Niyomurinzi ati “Hari n’aho tuba dufite amashuri arihira abanyeshuri igice nko mu bihugu by’i Burayi bimwe dukorana nka Pologne, Repubulika ya Tchèque, u Butaliyani, ugasanga umunyeshuri afite 50% cyangwa 60% by’igabanyirizwa ugereranyije n’amafaranga yagakwiye kwishyura.”

Yavuze ko abashaka kujya kwiga mu Bushinwa, rimwe na rimwe bafashwa kubona amashuri bigamo bishyuriwe 100%.

United Scholars Center inategura ingendo shuri zifasha amatsinda y’abashaka kujya kwiga cyangwa kurahura ubumenyi mu mahanga.

Iki kigo gitangaza ko umunyeshuri gifasha agomba kuba afite amanota meza kandi ari kumwe n’umurera kugira ngo bamenye ubushobozi bwe bitewe n’icyo kwiga mu ishuri yifuza bisaba.

Niyomurinzi akomeza asaba abifuza kujya kwiga mu mahanga gutinyuka no gufata kwiga nk’uburyo bwo gushora imari mu gihe kirambye.

Ati “Hari nk’abirirwa kuri murandasi (Internet) bashaka amashuri bakwigamo ariko ugasanga mu by’ukuri ntanabaho. Nabagira inama yo gutekereza mu buryo bwo gushora imari kurenza gutekereza ibisa n’aho ari iby’ubuntu.”

Uyu muyobozi asaba ababyeyi kwegera iki kigo kikabafasha guhitamo aho abana babo bakwiga kuko kibimenyereye kandi gifasha buri wese bitewe n’ubushobozi afite.

United Scholars Center imaze imyaka itatu itangiye ibikorwa byo gufasha abantu kujya kwiga mu mahanga, aho imaze gufasha abarenga 100.

Ikorana n’amashuri ya Leta n’ayigenga asaba amafaranga macye cyane. Urugero nka Czech Technical University ni ishuri rya Leta ya Repubulika ya Tchèque, ryishyuza amafaranga y’ishuri angana na 2000 by’amayero mu gihe hari andi yo mu bindi bihugu byigisha amasomo amwe, yishyuza arenga ibihumbi 13.

Iki kigo gikorera Kimihurura mu Mujyi wa Kigali, munsi ya Lemigo Hoteli n’Inteko Ishinga Amategeko, ku muhanda ujya Sonatube cyangwa ugahamagara kuri 0788307538.

Umuyobozi ushinzwe ububanyi n’amahanga muri United Scholars Center, Niyomurinzi Ismael, yavuze ko bafasha abanyeshuri guhitamo amashuri meza n’ibindi bisabwa n’amashuri
United Scholars Center imaze imyaka itatu ifasha abantu kwiga mu mahanga
Iki kigo gikorera Kimihurura munsi Y'Inteko Ishinga Amateegko y'u Rwanda
Bimwe mu bihugu bakorana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza