Umusaruro wa serivisi y’aba-Ejenti yatangijwe bwa mbere mu Rwanda na Equity Bank

Yanditswe na IGIHE
Kuya 16 Ukwakira 2020 saa 09:00
Yasuwe :
0 0

Nyuma y’umwaka Equity Bank ifunguye imiryango, mu 2012 yahise itangiza uburyo bwo kuba abakiliya bayo babona serivisi za banki zitandukanye ku ba Ejenti bitabasabye kujya ku mashami yayo atandukanye.

Equity bank ni nayo banki rukumbi yatangije iyo serivisi bwa mbere mu Rwanda kugira ngo irusheho kwita ku bakiliya bayo no kuborohereza.

Umwe mu bumvise ubu buryo mbere agahitamo kuba umu-ejenti wa Equity Bank ni Claudine Nyinawamahoro. Ubu ukorera aka kazi mu isoko rya Kabeza mu Karere ka Kicukiro.

Nyinawamahoro yavuze ko ubu buryo bw’aba-Ejenti, bwafashije mu kugabanya ingendo n’umwanya wo kujya ku mashami ya banki ndetse bunamubera isoko y’akazi no kwiteza imbere kubera inyungu akuramo.

Ati “Abakiliya benshi baratugana kubera ko dutanga serivisi nyinshi ziboneka ku mashami ya banki. Banki yaratwizeye, binyuze mu kuduha ubu buryo bwo gukorana ndetse no kugeza serivisi nziza ku bakiliya bayo.”

Mukeshimana Angelique amaze imyaka umunani akorana na Equity Bank. Yavuze ko aba-Ejenti bamufashije kubona serivisi za banki hafi ye, bigabanya igihe yashoboraga gutakaza agana amashami ya banki atandukanye.

Umuyobozi ushinzwe serivisi z’aba-Ejenti muri Equity Bank, Augustin Kanyarwanda, yatangaje ko iyi gahunda yafashije banki kurushaho kwegera abakiliya bayo no kunoza serivisi ibaha.

Ati “Buri mu buryo bwa banki yacu bwo kwegereza serivisi abakiliya, tujyana n’ibyo abakiliya bifuza, twiteguye kumva serivisi abakiliya bacu bifuza ko twongera mu zo aba-Ejenti batanga kugira ngo barusheho kunyurwa.”

Kugeza ubu Equity Bank ifite aba-Ejenti basaga 2500 hirya no hino mu gihugu, batanga serivisi zirimo gufungura konti, kubitsa no kubikuza, kohereza amafaranga imbere mu gihugu no mu mahanga (mu buryo bwa Western Union na MoneyGram), kwishyura ifatabuguzi ry’amazi, televiziyo, amashanyarazi, kwishyura imisoro n’ibindi.

Serivisi y'aba-Ejenti yatangijwe bwa mbere mu Rwanda na Equity Bank mu 2012

Equity Bank iherutse gushimira abakiliya bayo

Mu Cyumweru ngarukamwaka cyagenewe kuzirikana serivisi zihabwa abakiliya b’ibigo bitandukanye ku Isi yose, cyizihijwe kuva tariki ya 05 kugera ku ya 09 Ukwakira, Equity Bank yifatanyije n’abakiliya banki bo mu Rwanda ibasezeranya gukomeza kubagezaho serivisi zinoze kandi zihuse.

Icyo gihe abayobozi ba Equity Bank bagiye ku mashami yabo hirya no hino mu Mujyi wa Kigali no mu Ntara, bakagira umwanya wo gusangira n’abakiliya no kumva ibyifuzo byabo bitandukanye.

Umuyobozi w’Ishami rikuru ry’abanyacyubahiro (Supreme Banking) riherutse gufungurwa mu nyubako ya KBC nshya, Diane Mbabazi, yatangaje ko iki Cyumweru ari amahirwe banki yabonye yo kwishimira no kongera gutekereza ku kamaro k’abakiliya bayo no ku ruhare rwabo muri serivisi zitangwa na banki.

Ati “Serivisi igenerwa umukiliya ni yo ntego yacu nkuru, turatanga ikaze ku bandi, ko baza tugakorana. Umubano wacu n’abakiliya umeze neza, kandi muri iki Cyumweru turishimana nabo tunifuza kubabwira ko ari bo Banki ibereyeho ndetse ko tuzakomeza kugenzura ko bishimira serivisi tubaha aho bari hose.”

Yongeyeho ko ishami abereye umuyobozi rizakomeza gukora iyo bwabaga kugira ngo serivisi zinoze zibagereho biboroheye.

Abakiliya b’iyi banki bagaragaje ko bishimiye imikoranire yabo na yo, ndetse bavuga ko badateganya kuyiva inyuma.

Bart Gasana watangiye gukorana na Equity mu 2011, yavuze ko uko umwaka ushira undi ugataha, umubano we na yo ugenda urushaho kuba mwiza, ndetse ko byamufashije guteza imbere umushinga we.

Ati “Ntangira gukorana na Banki ya Equity, numvise nguwe neza kuva natangira gukorana na yo mu myaka isaga 10 ishize. Ni yo mpamvu ntajya ntekereza kujyana amafaranga yanjye ahandi.”

Ni igitekerezo ahuriyeho na Jocelyne Uwineza ufite ikigo cyitwa Catchup Investment Ltd, wavuze ko yakomeje kwishimira serivisi za Equity kuva yatangira gukorana na yo.

Ati “Nizera ko mfite impamvu yo gukorana na Banki ya Equity, kubera ko nakunze serivisi zayo mu gihe kirenga umwaka ushize dukorana. Serivisi zayo zitangwa ku gihe, ziraboneye, kandi nizeye ko zizagenda zirushaho kuba nziza.”

Umuyobozi ushinzwe ibikorwa byo kwamamaza no kwita kuri serivisi zigenewe abakiriya muri Equity Bank, Niragira Athanasie, yashimiye abakiliya muri rusange kuba barahisemo gukorana nayo , abizeza ko banki izakomeza gushyira imbere umubano mwiza hamwe no kwita ku byifuzo byabo byerekeye serivisi bahabwa na banki harimo gukomeza kunoza serivsi batarinze kugera ku mashami.

Ati “Aha harimo uburyo bwo gukoresha konti yawe ukoresheje telefoni, serivisi zitandukanye zitangwa ku ba-Ejenti bahagariye banki hirya no hino mu gihugu, serivisi ubona ukoresheje internet (EazzyNet & Eazzybiz), kwishyura serivisi n’ibicuruzwa hakoreshejwe EazzyPay n’amakarita n’ibindi”.

Equity Bank yageze mu Rwanda mu Ukwakira 2011, ubu imaze gufungura amashami 14 hirya no hino mu gihugu ndetse ifite n’aba-Ejenti hirya no hino mu gihugu bayifasha mu kugeza serivisi nziza ku bakiliya bayo.

Aba-Ejenti batanga serivisi nyinshi zirimo kubitsa, kubikuza, kohereza amafaranga imbere mu gihugu no mu mahanga n'ibindi
Serivisi z’aba-Ejenti za Equity Bank ziboneka mu bice byose by’igihugu

Amafoto agaragaza uburyo Equity Bank yasabanye n’abakiliya bayo mu Cyumweru cyahariwe abakiliya

Abakiliya bakozwe ku mutima na serivisi nziza bahawe
Abakiliya ba Equity Bank bashimiwe uburyo bitabira serivisi zayo
Abakozi ba Equity Bank bashimiye abakiliya bayo ku cyizere bagiriye iyi banki imaze kwandika izina mu mitima ya benshi
Icyumweru cyahariwe abakiliya, cyari umwihariko kuri Equity Bank mu gushimira abayigana inabizeza gukomeza kubaha serivisi zinoze
Equity Bank yasangiye n'abakiliya bayo umutsima mu kubashimira
Iki gikorwa cyo gushimira abakiliya cyabaye ku mashami yo hirya no hino mu gihugu
Abakiliya bijejwe gukomeza guhabwa serivisi nziza no kwitabwaho
Iki cyumweru cyabaye umwanya wo kumva ibitekerezo by'abakiliya no kubafasha mu byo bakeneye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .