Umuntu wa 47 yishwe na COVID-19, haboneka abarwayi 45 bashya

Yanditswe na Rabbi Malo Umucunguzi
Kuya 22 Ugushyingo 2020 saa 10:43
Yasuwe :
0 0

Minisiteri y’Ubuzima yatangaje ko umuntu wa 47 yitabye Imana azize icyorezo cya COVID-19, mu gihe abantu 45 basanzwemo ubu burwayi mu bipimo 2541 byafashwe mu masaha 24 ashize.

Abarwayi bashya bemejwe kuri iki Cyumweru barimo 21 b’i Kigali, 9 b’i Rwamagana, 8 b’i Nyanza, 3 b’i Nyamagabe, 2 bo mu Bugesera, 1 w’i Rusizi na 1 w’i Musanze.

Minisiteri y’Ubuzima yakomeje iti “Twihanganishije umuryango w’umugabo w’imyaka 32 witaye Imana i Kigali.”

Nyuma y’abarwayi 45 bashya babonetse, abamaze gusangwamo ubu burwayi mu Rwanda bose hamwe bagera kuri 5665, barimo 5164 bamaze gukira, bangana na 91.1%, mu gihe abakirwaye ari abantu 454.

Kugeza ubu ibipimo byose hamwe bimaze gufatwa mu Rwanda ni 607.283.

Imibare y’ubwandu bushya bwa COVID-9 ikomeje kwiyongera hirya no hino, gusa hari icyizere ko ibintu bishobora kujya ku murongo mu minsi iri imbere, mu guhashya iyi ndwara imaze kwandura abantu miliyoni 58 no guhitana abasaga miliyoni 1,3.

Ikigo Pfizer cyo muri Amerika na BioNTech cyo mu Budage, biheruka gutangaza ko urukingo byakoze rurinda umuntu kwandura Coronavirus ku kigero cya 95%, mu gihe urwakozwe na Moderna Inc. rukora kuri 94.5 ku ijana, nubwo igeragezwa ritarasozwa.

Ibi bigo biri mu rugendo rwo gusaba ko izi nkingo zatangira guterwa abantu.

Abandura COVID-19 bakomeje kwiyongera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .