Ni ikibazo bamwe mu baturage bahatuye bavuga ko kimaze igihe kirekire bityo bagasaba ubuyobozi kubashakira igisubizo kirambye.

Umwe mu baturage yavuze ko uwo muhanda n’ikiraro bihuza Umurenge wa Mbuye mu Karere ka Ruhango ndetse n’Akarere ka Kamonyi bakigejeje ku nzego z’ubuyobozi zitandukanye ariko nticyakemurwa.

Yagize ati “Hari ikibazo mu Murenge wa Mbuye muri Ruhango kimaze imyaka irenga 10 cyarananiranye. Inzego zose zirakizi ariko habuze umurongo ufatika kugeza na n’ubu. Ibi bituma abaturage tugorwa n’iterambere.”

Guverineri w’Intara y’Amajyepfo, Kayitesi Alice, yabwiye IGIHE ko icyo kibazo kizwi kandi cyatangiye gushakirwa igisubizo.

Ati “Ntabwo kimaze imyaka 10 kuko umuhanda waragendwaga, ikiraro cyangiritse mu kwezi k’Ugushyingo mu 2022 ku buryo nta modoka yongera kuhaca. Cyangijwe n’imvura nyinshi. Ubu Ubuyobozi bw’Akarere ka Ruhango n’ubwa Kamonyi bwarahuye bubara ibisabwa kandi byararangiye bigaragaza ko hakenewe hafi miliyoni 150 Frw; Uturere tukazafatanya mu kuyashaka kigasanwa.”

Mu bigaragara birakwiye ko gukora uwo muhanda byihutishwa kuko guhahirana hagati y’uturere twegeranye biri mu byihutisha iterambere.

Umuhanda uhuza Akarere ka Ruhango na Kamonyi ndetse n'ikiraro gihari byarangiritse

Ikiraro gihuza uturere twa Ruhango na Kamonyi cyarangiritse bikomeye

Imvura iherutse kugwa yangije ikiraro bihagarika ubuhahirane hagati ya Ruhango na Kamonyi

Abaturage basaba ko gusana iki kiraro no gukora umuhanda byihutishwa

[email protected]