Ku wa 17 Gashyantare abahagarariye RDB na TFO bagiranye ibiganiro byihariye n’abashoramari ku bijyanye no kwagura isoko no kujyana ibicuruzwa muri Canada.

Iiyi nama rusange i yashyizweho mu rwego rwo gusobanurira uburyo abashoramari bakwagura isoko ryabo muri Canada babifashijwemo n’Ikigo TFO gikorera mu Rwanda.

Eusebe Muhikira ushinzwe ishami ry’ibibyoherezwa mu mahanga muri RDB, yabwiye abanyamakuru ko “ubusanzwe RDB igira ibikorwa nk’ibi byo kwagura amasoko mu ibindi biguhu byo hanze, gusa kuri iyi nshuro hakaba hateguwe amahugurwa no gutanga ibisobanuro n’amakuru kuri ba rwiyemeza mirimo ku bijyanye n’ibicuruzwa muri Canada.”

Nk’uko bivugwa n’abari bahagarariye Canada, ibicuruzwa bikenerwa cyane ku isoko ryabo ni imboga n’imbuto.

RDB ivuga ko abacuruzi bo mu Rwanda benshi bafite amahirwe yo kohereza ibicuruzwa byabo muri Canada ndetse kuri ubu ibyoherezwayo biba bifite agacirokabarirwa muri miliyoni ebyiri z’amadolari ya Amerika.

RDB igaragaza kandi ko guha amakuru n’ubumenyi abahagarariye inganda nto zo mu Rwanda ari amahirwe cyane kuko hakiri icyuho cya bamwe batarasobanukirwa n’uburyo bwo gutunganya ibyoherezwa mu mahanga.