U Rwanda rugiye gucyura Abanyarwanda baheze mu Buhinde kubera Coronavirus

Yanditswe na Habimana James
Kuya 27 Kamena 2020 saa 08:38
Yasuwe :
0 0

Ambasade y’u Rwanda mu Buhinde, yatangaje ko hari Abanyarwanda n’abanyamahanga bakorera mu Rwanda bagera ku 130 baheze muri iki gihugu, nyuma y’aho ingendo zo mu kirere zihagaritswe kubera icyorezo cya Coronavirus, ubu bakaba bagiye gucyurwa mu Rwanda.

Ambasaderi w’u Rwanda mu Buhinde, Jacqueline Mukangira, yatangaje ko bamaze kumvikana na Sosiyete Nyarwanda ikora ingendo zo mu kirere, RwandAir, ko igomba kubacyura mu ntangiriro z’ukwezi gutaha.

Yagize ati “Twemeranyijwe na RwandAir ko yafasha mu gucyura aba Banyarwanda mu gihugu cyabo. Niba nta gihindutse indege izagera i Mumbai tariki 2 Nyakanga.”

Mukangira yavuze ko bavuganye na Minisiteri y’Ububanyi n’Amahanga y’iki gihugu, kugira ngo yemerere u Rwanda gucyura aba Banyarwanda ndetse no kwemerera RwandAir kugera muri iki gihugu.’’

Abenshi muri aba Banyarwanda bari muri iki gihugu ni abanyeshuri ndetse n’abarwayi bari baragiyeyo kwivuza.

Biteganyijwe ko iyi ndege izazana abanyarwanda hafi 100 basabye gucyurwa mu Rwanda, ariko ngo harimo n’Abahinde bakora ubucuruzi mu Rwanda.

Muri Mata uyu mwaka, Guverinoma y’u Rwanda nabwo yemeranyijwe na RwandAir gucyura Abanyarwanda bari mu mahanga, cyane cyane abakoraga cyangwa abigaga muri Leta Zunze Ubumwe za Amerika.

Iyi ndege ikaba yarakoraga ingendo buri wa Gatanu, aho yabakuraga i Brussels mu Bubiligi.

RwandAir isanzwe ikora ingendo zijya mu Buhinde niyo izifashishwa mu gucyura Abanyarwanda bahezeyo kubera Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .