StarTimes yinjiye mu bukangurambaga bwiswe ‘INFORAFRICA Alliance’ bugamije kurwanya Coronavirus muri Afurika

Yanditswe na Habimana James
Kuya 10 Kamena 2020 saa 10:38
Yasuwe :
0 0

Sosiyete y’Ikoranabuhanga, StarTimes, yatangaje ko yinjiye mu bukangurambaga bwiswe, INFORAFRICA Alliance, bugamije kuvanaho inzitizi Umugabane wa Afurika uhura nazo mu guhangana n’icyorezo cya Coronavirus.

Ubu bukangurambaga bwitabiriwe n’ibyamamare ndetse n’abayobozi batandukanye, bagamije gutanga ubutumwa bw’ukuri n’ubundi bufasha kuri uyu mugabane mu kurwanya Coronavirus.

Kugeza ubu ibyamamare bikomeye byatangiye kwitabira iyi gahunda, birimo Awilo Longomba, Eddie Kadi, John Dumelo ndetse n’abakinnyi bakomeye barimo Tresor Lualua, Yannick Bolasie n’abandi.

Gahunda ya INFORAFRICA ihuriweho n’Ishami ry’Umuryango w’Abimbuye ryita ku Buzima, OMS, za leta za Afurika n’inzego zaho z’ubuzima, kugira ngo zitange amakuru nyayo mu rwego rwo guhagarika ikwirakwizwa ry’icyorezo muri Afurika.

Amafaranga yakusanyijwemo azashyirwa mu bigo bizwi harimo nk’ikigega cy’Umuryango w’Abibumbye gishinzwe ubufatanye, na gahunda y’Ubumwe bwa Afurika yo kwihutisha ibizamini bya COVID-19.

Azakoreshwa kandi mu gushyigikira gahunda yo kugura ibikoresho byifashishwa mu gutanga umwuka ku barwayi ba Coronavirus, gupima, gutanga ibikoresho byo kwirinda n’ibindi.

Ubwo yatangizaga iyi gahunda, Umuyobozi wa INFORAFRICA, Eddie Kadi, yavuze ko “Iyi virus ikomeje gukwira mu mijyi itandukanye ya Afurika, gahunda ya INFORAFRICA izafasha mu gutanga ubutumwa bwo guhagarika iki cyorezo ku mugabane.”

StarTimes ivuga ko yashyizemo ingufu mu gutanga ubutumwa bwerekeranye n’iki cyorezo.

Iki kigo kivuga ko kizafasha mu gukomeza kumenyekanisha gahunda ya INFORAFRICA, ku buryo bugera ku bantu bose muri Afurika ndetse n’ahandi.

Visi-Perezida wa StarTimes, Luis Lu, yagize ati “Uyu munsi ni umunsi udasanzwe kuri Afurika, ndetse ukaba udasanzwe muri uyu mwaka kuko Isi iri mu bibazo bitigeze bibaho. Nkuko Coronavirus ikomeje kubangamira umugabane, StarTimes yishimiye kwinjira mu muryango wa INFORAFRICA ugamije guhuza abantu no kubafasha kwirinda iki cyorezo. ”

Kugeza ubu abantu 207 075 nibo bamaze kwandura Coronavirus muri Afurika, 5 589 bamaze gupfa mu gihe abamaze gukira ari 93 710.

StarTimes ni sosiyete ya mbere muri Afurika mu bijyanye n’isakazamashusho rya Televiziyo kuko ifite abafatabuguzi basaga miliyoni 13, n’abandi basaga miliyoni 20 bayikurikirana kuri internet.

Ikorera mu bihugu 37 muri Afurika, ikagira channels za televiziyo zirenga 600 zerekana amakuru, filime, siporo, imyidagaduro, umuziki, porogaramu z’abana n’ibindi.

Icyerekezo cyayo ni ukureba ko buri muryango w’Abanyafurika ushobora kubona, kugura, kureba no gusangira ubwiza bwa televiziyo igezweho.

StarTimes yatangiye kwifatanya n'abandi bantu batandukanye mu guhangana na Coronavirus muri Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .