00:00:00 IGIHE NETWORK KN KINYARWANDA EN ENGLISH FR FRANCAIS

Sierra Leone: Guverinoma ishyigikiye ko gukuramo inda bititwa icyaha

Yanditswe na Bukuru JC
Kuya 4 July 2022 saa 06:58
Yasuwe :

Perezida wa Sierra Leone, Julius Maada Bio, yatangaje ko Guverinoma ye izashyigikira umushinga w’Itegeko rigamije kuvana mu gitabo cy’amategeko icyaha cyo gukuramo inda.

Mu nama yiga ku buzima bw’imyororokere ku wa Gatanu ushize, Perezida Maada Bio, yavuze ko ashaka ko igihugu cye kiba ahantu heza habereye abagore n’abakobwa.

Biteganyijwe ko Inteko Ishinga Amategeko ya Sierra Leone mu minsi ya vuba izaganira ku mushinga w’itegeko ugamije kuvana gukuramo inda mu byaha bihanwa n’amategeko.

Amategeko yo gukuramo inda icyo gihugu gifite kuri ubu ni ayo mu 1861, agena ko umugore yemererwa gukuramo inda mu gihe ishobora kugira ingaruka ku buzima bwe gusa.

Mu mwaka wa 2015 Inteko yatoye umushinga wari ugamije kwemera gukuramo inda ariko Perezida Ernest Bai Koroma yanga kurisinya, avuga ko ari ingingo ikwiriye kujya muri kamarampaka.

Loni igaragaza ko mu mwaka wa 2017, muri Sierra Leone nibura mu bagore ibihumbi ijana bajyaga kubyara, abagore 1120 bapfaga.

Inzego z’ubuzima zivuga ko gukuramo inda bigize 10 % by’abagore bapfa babyara n’abana bapfa bavuka mu Burengerazuba bwa Afurika.

Gukuramo inda muri Sierra Leone bigiye kwemerwa mu itegeko

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .