Rwanda FDA yahagaritse umuti usukura intoki utujuje ubuziranenge

Yanditswe na Ishimwe Alain
Kuya 26 Ukwakira 2020 saa 11:30
Yasuwe :
0 0

Ikigo cy’Igihugu gishinzwe kugenzura ibiribwa n’imiti, Rwanda FDA, cyahagaritse ikoreshwa, igurishwa n’ikwirakwizwa ry’umiti usukura intoki witwa Pure Skin Stay Safe Hand Sanitizer ukorwa n’uruganda African Buffalos Ltd wakozwe muri ethanol gusa mu gihe bitemewe.

Uyu muti wahagaritswe hagendewe ku mabwiriza y’uko imiti isukura intoki igomba kuba irimo alcool yo mu bwoko bwa ethanol iri ku kigero kiri hagati ya 70% na 80% cyangwa alcool ya isopropyl iri kuri 75%.

Rwanda FDA yatangaje ko yanashingiye ku bipimo bya laboratwari byagaragaje ko umuti wa Pure Skin Stay Safe utujuje ibisabwa.

Umuti wujuje ubuziranenge uba ufite ingano ya ethanol iri ku kigero kiri hagati 70% na 80% cyangwa isopropyl iri kuri 75%, ukaba urimo kandi n’ibindi by’ingenzi nka Glycérine na peroxyde d’hydrogène.

Ugomba kuba ugaragaza nimero iwuranga, itariki wakozweho n’igihe uzarangirira, hari kandi izina ry’uruganda rwawukoze n’aho ruherereye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .