Rusizi: Yafashwe ari gutaburura imva

Yanditswe na Sitio Ndoli
Kuya 27 Ukwakira 2020 saa 12:27
Yasuwe :
0 0

Mu irimbi rusange rya Gihundwe mu Karere ka Rusizi, hafatiwe umugabo ari gutaburura imva y’umuntu umaze iminsi ibiri ashyinguwe, aho bivugwa ko yari ari gushaka kwiba imbaho ziyubakishije.

Byabaye mu masaha ya saa kumi n’ebyiri z’igitondo aho uyu mugabo w’imyaka 27 yaguwe gitumo n’abaturage amaze gukuraho imbaho. Yatangaje ko yari yabisabwe n’ushinzwe kurinda iri rimbi wari wamwereye ko aza kumugurira icyayi.

Urinda irimbi we yemereye abaturage ko izo mbaho yari yamaze kubona abantu baza kuzimugurura.

Umunyamabanga Nshingwabikorwa w’Akagari ka Burunga, Niyomungeri Jean Baptiste, yatangaje ko uyu mugabo bamufashe bakamushyikiriza Urwego rw’Igihugu rushinzwe Ubugenzacyaha kuri Sitasiyo ya Kamembe.

Ati “Byabaye ahagana saa kumi n’ebyiri za mu gitondo. Yafashwe ari gukura imbaho ku mva y’umusore warohamye, bashyinguyemo ku Cyumweru gishize. Twamushyikirije RIB kuri Sitasiyo ya Kamembe.”

Abaturage bo muri aka kagari bavuze ko atari ubwa mbere muri iri rimbi hagaragara abajura bashaka kwiba amasanduku ashyinguyemo abantu.

Nyuma yo gufatwa, abaturage bongeye basubiza imbaho kuri iyo mva

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .