Rusizi: Ikirombe cy’amatafari cyahitanye babiri, nyiracyo aburirwa irengero

Yanditswe na Sitio Ndoli
Kuya 6 Kanama 2020 saa 10:52
Yasuwe :
0 0

Abantu babiri bakoraga mu kirombe cy’amatafari mu Murenge wa Muganza mu karere ka Rusizi, cyabagwiriye bitaba Imana, maze uwagicukurishaga aburirwa irengero.

Ibi byabaye kuri uyu wa Gatatu tariki ya 5 Kanama. Umunyamabanga Nshingwabikorwa w’Umurenge wa Muganza, Ngirabatware James, avuga ko iki kirombe cyacukurwagamo ku buryo buteme n’amategeko, kuko nyiracyo yari yaraciwe amande.

Ati “Ni abana babiri, umwe afite imyaka 16 undi afite 18, bakoraga mu bantu babumbaga amatafari, ikirombe kirabagwira tubakuramo bitabye Imana. Ikirombe cyari cyafunzwe, abikora rwihishwa, yabikoraga mu buryo butemewe n’amategeko. Icyatumye iyo mpanuka iba ni uko hari hafi y’umugezi, ikirombe kikaba cyarangijwe n’amazi.”

Imirambo y’abitabye Imana yajyanwe ku bitaro bya Gihundwe ikorerwa isuzuma, ubu hari kwitegurwa uburyo bashyingurwamo.

Ubuyobozi bw’uwo murenge buvuga ko abantu bakunda kubumba amatafari kubera ibihe byo kubaka, ariko bahagaritse abagera mu icumi harimo n’uwo wakoraga atabyemerewe.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .