Iyi mpanuka yabaye ku mugoroba wo ku wa Kane, tariki ya 17 Ukuboza 2020, ubwo umumotari wari ubatwaye yashakaga kunyura ku ikamyo bakagwa mu mapine yayo. Umumotari yahise aburirwa irengero.

Amakuru avuga ko iyo moto yavaga ku Kigo Nderabuzima cya Nyabitimbo, ikaba yari ihetse abantu batatu aribo Nyiranzirorera Alexienne w’imyaka 52 wari kumwe n’umukobwa we Mukandayisenga Rachel w’imyaka 32 n’umwana we w’umwaka umwe.

Imirambo y’abaguye mu mpanuka yajyanywe mu buruhukiro bw’Ibitaro bya Gihundwe mu gihe uwari utwaye moto agishakishwa.

Ibiro by'Umurenge wa Nyakabuye ari na wo impanuka yabereyemo