Rulindo: Umugabo yicishije ishoka umugore we agerageza gutoroka arafatwa

Yanditswe na N.Kubwimana Janvière
Kuya 6 Kamena 2020 saa 08:30
Yasuwe :
0 0

Umugabo witwa Bizimana Innocent utuye mu Mudugudu wa Musave, akagari ka Mbuye, Umurenge wa Rukozo, Akarere ka Rulindo, yishe umugore we akoredheje ishoka agerageje gutoroka arafatwa.

Byamenyekanye ku gicamunsi cyo kuri uyu wa 05 Kamena 2020, aho uyu mugabo w’imyaka 30 y’amavuko ngo ubusanzwe ntiyabanaga neza n’umugore we Twiringiyimana Chantal, aho bahoraga mu makimbirane ashingiye ku mikoreshereze y’imitungo yabo, kugeza n’ubwo aya makimbirane yari yarabatandukanyije mu cymba cyabo, buri wese arara ukwe.

Umuyobozi w’Akarere ka Rulindo Kayiranga Emmanuel wemeje aya makuru avuga ko n’ubwo Bizimana yishe umugore we agatoroka bitamuhiriye kuko ubu yamaze gutabwa muri yombi.

Yagize ati " Nibyo Bizimana yishe umugore we akoresheje ishoka, akimara kumwica yagerageje gutoroka ariko nyuma aza gufatwa ubu ari mu maboko ya RIB, uyu muryango wari usanzwe ubana mu makimbirane ashingiye ku mutungo bari bafitanye"

Uyu muyobozi akomeza agira inama abaturage yo kutishora mu bwicanyi bitewe n’imibanire mibi bafitanye, ahubwo bakegera inzego zibahagarariye zikabafashamo umuco wo kwihanira ugacika.

Kuri ubu umurambo wa nyakwigendera wagejejwe kwa muganga ngo ukorerwe isuzuma, nyuma batangire kwitegura kumushyingura kuri uyu wa 06 Kamena 2020, mu gihe Bizimana wamwivuganye agiye gukurikiranwa kuri iki cyaha akekwaho.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .