Rubavu: Yagiye gukiza umugabo n’umugore barwanaga abigwamo

Yanditswe na Mukwaya Olivier
Kuya 10 Mutarama 2020 saa 11:47
Yasuwe :
0 0

Umugabo wo mu murenge wa Rugerero, Akagari ka Muhira mu Umudugudu wa Gitebe, yagiye gukiza umugore n’umugabo barimo barwana, umugabo amutera icyuma mu gituza ahita yitaba Imana.

Byabaye mu ijoro ryakeye ahagana saa mbiri z’ijoro, ubwo umugabo witwa Cyiza Simon yarwanaga n’umugore we Bazimaziki Françoise, bari mu muhanda. Ntakasigaye Bizimungu yirutse ajya kubakiza, Cyiza amutera icyuma mu gituza yitaba imana.

Umunyamabanga Nshingwabikorwa w’Umurenge wa Rugerero, Nkurunziza Faustin, yavuze ko Cyiza yatawe muri yombi agerageza gutoroka.

Ati “Umugabo witwa Cyiza Simon yarwanaga n’umugore we, nuko umuturanyi we Ntakasigaye Bizimungu ajya gukiza, umugabo ahita amutera icyuma yitaba Imana, abaturage bamwirukaho bamufatira ku Nyundo.”

Cyiza Simon yamaze gushyikirizwa Urwego rw’Ubugenzacyaha kuri sitasiyo ya Rugerero, mu gihe umurambo wa nyakwigendera wajyanywe ku bitaro bya Gisenyi.

Umuyobozi w'Akarere ka Rubavu wungirije ushinzwe iterambere ry'ubukungu Nzabonimpa Deogratias yasabye abaturage kwirinda amakimbirane n'urugomo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .