Uyu mwanzuro nkuko bigaragara mu ibaruwa Meya wa Rubavu, Habyarimana Gilbert, yashyizeho umukono, ngo wafashwe kubera ko hari amakuru hirya no hino ko hari abashaka gufatirana abaturage babasaba kugura imitungo yabo ibanje guteshwa agaciro.

Byakozwe kuko hari aho byagaragaye ko hatubahirijwe ibiciro byari bisanzwe biri ku isoko mbere y’iki cyorezo cya COVID-19, ibintu byagaragara nk’akarengane ku baturage.

Ubuyobozi bw’Akarere ka Rubavu bwatangaje ko aho bizagaragara ko byakozwe muri ubu buryo bwo guhenda abaturage babafatiranyije n’ibi bihe igihugu kirimo, ubwo bugure buzateshwa agaciro, uwaguze ahenda ahombe.

Ntabwo Akarere ka Rubavu katangaje niba hari abahanwe bari bamaze kugura ubutaka muri ubwo buryo.

Ibiro by'Akarere ka Rubavu mu Ntara y'Iburengerazuba