00:00:00 IGIHE NETWORK KN KINYARWANDA EN ENGLISH FR FRANCAIS

Rubavu: Hirukanwe abayobozi b’Imirenge barimo uherutse guhagararirwa n’umutetsi mu Kwibuka

Yanditswe na Mukwaya Olivier
Kuya 10 August 2022 saa 02:44
Yasuwe :

Abanyamabanga Nshingwabikorwa b’imirenge ibiri barimo uwa Rugerero aho umutetsi yahagarariye akarere mu Kwibuka birukanwe mu kazi burundu kubera amakosa atandukanye.

Abirukanwe mu kazi ni Habimana Aaron wari umunyamabanga nshingwabikorwa w’umurenge wa Nyundo, Murenzi Augustin wayoboraga Umurenge wa Rugerero na Biryabanzi Onesphore wari umukozi w’akarere ka Rubavu ushinzwe ubwisungane mu kwivuza.

Ubuyobozi bw’akarere ka Rubavu bwemeje aya makuru ariko bwirinda kuvuga amakosa bakoze yatumye birukanwa.

Nubwo ubuyobozi bw’akarere bwirinze gutangaza icyo bazize, nka Murenzi Augustin wayoboraga Umurenge wa Rugerero bivugwa ko yazize kugira uburangare mu kazi bigatuma ubuyobozi buhagararirwa n’umutetsi mu gikorwa cyo kwibuka Jenoside yakorewe abatutsi mu rwunge rw’amashuri rwa Nkama.

Umuyobozi w’akarere ka Rubavu Kambogo Ildephonse yemeje ko birukanwe ariko yirinda kuvuga icyo bazize.

Ati “Nibyo koko birukanwe ariko ntabwo byemewe kuvuga amakosa umukozi aba yakoze,kuko biba byaganiweho hagati y’umukozi n’ubuyobozi’’.

Yakomeje avuga ko batazasabirwa gukurikiranwa n’inzego z’ubutabera. Meya Kambogo yasabye abakozi basigaye mu kazi kubahiriza amategeko agenga umurimo ko nta kidasanzwe kuba bagenzi babo birukanwe.

Kwirukana abakozi benshi byaherukaga mu Ukuboza 2019 ubwo uwari Minisitiri w’Ubutegetsi bw’Igihugu Shyaka Anastase yasuraga aka karere agasaba abakozi b’akarere ka Rubavu kuva muri ndi ‘Umugoyi’ na ndi ‘Umugogwe’ bakagendera muri gahunda ya ‘Ndi Umunyarwanda’.

Abayobozi batatu birukanwe muri Rubavu bazira amakosa atandukanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .