00:00:00 IGIHE NETWORK KN KINYARWANDA EN ENGLISH FR FRANCAIS

Rubavu: Abantu 29 batawe muri yombi bakekwaho ubujura

Yanditswe na Muhire Desire
Kuya 26 Ukwakira 2022 saa 10:14
Yasuwe :

Ubuyobozi bw’Umurenge wa Gisenyi mu Karere ka Rubavu bwashyikirije Polisi abantu 29 bafatiwe mu bice bitandukanye bakekwaho ubujura.

Umunyamabanga nshingwabikorwa w’umurenge wa Gisenyi, Tuyishime Jean Bosco yabwiye IGIHE ko bafatiwe mu mukwabu wabaye mu ijoro ryakeye.

Yavuze ko uyu mukwabu uzajya ukorwa buri munsi mu rwego rwo guca ubujura mu mujyi wa Gisenyi.

Ati “Ni gahunda twihaye izajya ikorwa buri munsi kugira ngo abaturage bacu bagire umutekano kuko mu nshingano zacu nk’inzego z’ibanze ni ukureba abantu n’ibyabo. Twari tumaranye iminsi amakuru y’aho biriya bisambo biba biri, ni ho twabyukiye kandi k’ubw’amahire dusanga bihari.”

Uyu muyobozi akomeza avuga ko hari n’abo bafatiye mu mayira bashaka gutangira abantu ngo babambure ibyabo.

Tuyishime yasabye abaturage kujya batanga amakuru y’aho bakeka ibisambo kugira ngo bikurikiranwe.

Aba bajura muri uyu murenge bakunze kwiba ibikoresho byo mu nzu nk’amateleviziyo, imyenda n’ibindi. Ubuyobozi bw’Umurenge wa Gisenyi buvuga ko igikurikiyeho ari ugufata abagura ibi bikoresho.

Bamwe mu batawe muri yombi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .