Ni ku nshuro ya mbere Moussa Faki Mahamat wahoze ari Minisitiri w’Ububanyi n’Amahanga wa Tchad yagiriye uruzinduko mu Rwanda kuva yatorerwa kuyobora Komisiyo y’Umuryango wa Afurika yunze Ubumwe.

Moussa Faki Mahamat yunamiye abazize jenoside yakorewe abatutsi anashyira indabo ku mva bashyinguyemo ku rwibutso rya Kigali ruri ku Gisozi.

Yavuze ko Jenoside ari icyaha gikomeye cyatumye ibihumbi by’abagabo, abagore n’abana bicwa bazira uko bavutse, biturutse ku ngengabitekerezo ifite ubukana bacengejwemo.