Perezida Kagame yaganiriye n’abayobozi barimo Sheikh Tamim, Emir wa Qatar na Tony Blair

Yanditswe na Mukaneza M.Ange
Kuya 16 Gashyantare 2019 saa 01:08
Yasuwe :
0 0

Perezida Paul Kagame witabiriye Inama Ngarukamwaka yiga ku bibazo by’umutekano hirya no hino ku Isi mu Mujyi wa Munich mu Budage, ku wa Gatanu yahuye ndetse aganira n’abayobozi batandukanye barimo Emir wa Qatar, Sheikh Tamim bin Hamad Al Thani.

Inama ya Munich Security Conference yatangiye ku wa 15 Gashyantare 2019, ihurije hamwe abakuru b’ibihugu na za Guverinoma, ba Minisitiri b’Ububanyi n’Amahanga n’ab’Ingabo ndetse n’abashoramari batandukanye.

Mu bandi yahuye nabo ndetse bakaganira harimo Tony Blair wigeze kuba Minisitiri w’Intebe w’u Bwongereza na General Jim Jones wabaye Umujyanama mu by’umutekano muri Leta Zunze Ubumwe za Amerika.

Yanahuye kandi na Senateri wa leta ya Delaware, umu-démocrates Chris Coons ndetse yitabira umusangiro wateguwe n’Umuyobozi w’Ihuriro ryiga ku bukungu bw’Isi (WEF), Børge Brende n’Umuyobozi w’ikigo cy’ikoranabuhanga cya Jigsaw, Jared Cohen.

Perezida Kagame kandi kuri uriya munsi yagize uruhare mu biganiro byiswe ‘Health Security Roundtable in Munich’ byareberaga hamwe uburyo bwo guhangana n’indwara z’ibyorezo mu bihugu birimo umutekano muke.

Yagaragarije abitabiriye ibi biganiro uburyo u Rwanda ruhora rwiteguye guhangana n’ibyorezo rwifashishije amakuru atangwa n’abajyanama b’ubuzima basaga ibihumbi 60 bari hirya no hino mu gihugu, n’uburyo bw’ikoranabuhanga bwashyizweho bwo gukurikiranira hafi indwara z’ibyorezo.

Emir wa Qatar, Sheikh Tamim bin Hamad Al Thani ni umwe mu bayobozi bakomeye bahuriye na Perezida Kagame mu Budage
Kagame yahuye ndetse aganira na Tony Blair wigeze kuba Minisitiri w'Intebe w'u Bwongereza
Kagame yanahuye kandi na Senateri wa Leta ya Delaware muri Leta Zunze Ubumwe za Amerika, umu-démocrates, Chris Coons
Perezida Kagame aramukanya n'Umuyobozi w'Ikigega Mpuzamahanga cy'Imari, Christine Lagarde
Sheikh Tamim n'itsinda ryari rimuherekeje bagiranye ibiganiro na Perezida Kagame
Perezida Kagame yahuye n'abayobozi n'abashoramari batandukanye

Amafoto: Village Urugwiro

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza