00:00:00 IGIHE NETWORK KN KINYARWANDA EN ENGLISH FR FRANCAIS

Nyuma ya Nyandungu hagiye gutunganywa ibindi bishanga bitanu muri Kigali

Yanditswe na Muyisenge Jean Felix
Kuya 26 July 2022 saa 12:23
Yasuwe :

Nyuma yo gutunganya icyanya cya Nyandungu, hagiye gutunganywa ibindi bishanga bitanu muri 36 biri muri Kigali mu rwego rwo kwita ku bidukikije n’urusobe rw’ibinyabuzima.

Mu bishanga bizatunganywa harimo icya Rwampara, Nyabugogo, Kibumba, Rugenge ahazwi nko mu Rwintare n’icya Gikondo.

Ibi biri muri gahunda yo gutunganya ibishanga mu Mujyi wa Kigali yiswe Kigali Wetland Master Plan.

Minisitiri w’Ibidukikije Dr Jeanne d’Arc Mujawamariya yabwiye RBA ko ibi bishanga biri gutunganywa mu rwego rwo kurengera urusobe rw’ibinyabuzima biba mu bishanga.

Ati “Ubwo Nyandungu isojwe hakurikiyeho gutunganya igishanga cya Gikondo kuko twabonye ko bishoboka gusubiranya ibishanga byacu no kubana neza n’ibinyabuzima birimo.”

“Nyandungu yatweretse ko byashoboka, ko igishanga atari ikimoteri. Birumvikana tuzatunganya Gikondo, Rwampara, Utexrwa n’ahandi kandi bizaba bituganisha kuri Kigali twifuza aho ubuzima bw’abayituye buzaba burushaho kuba bwiza.”

Kugeza ubu ntiharatangazwa igihe ibikorwa byo gutunganya ibi bishanga bizatangirira.

Ubushakashatsi bwakozwe n’umuryango mpuzamahanga urengera ibidukikije (ARCOS) bwerekanye ko ubudahangarwa bw’ibishanga cyane cyane ibyo muri Kigali bwangiritse ku gipimo cya 65%.

Ni ukubera iyo mpamvu u Rwanda rurushaho gufata imyanzuro yo kugabanya ibikorwa bya muntu byangiza ibishanga kugira ngo hirindwe ingaruka zatezwa n’iyangirika ryabyo.

Ibikorwa byo gutunga ibi bishanga bizatanga imirimo ku baturage binongere ibikorwa by’ishoramari nk’ubukerarugendo.

Nyuma ya Nyandungu hagiye gutunganywa ibindi bishanga bitanu muri Kigali

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .