00:00:00 IGIHE NETWORK KN KINYARWANDA EN ENGLISH FR FRANCAIS

Nyanza: Yasanzwe mu cyuzi yapfuye

Yanditswe na Prudence Kwizera
Kuya 9 Ugushyingo 2022 saa 10:13
Yasuwe :

Umugabo witwa Nsabyimbabazi Wellars w’imyaka 40 y’amavuko wo mu Murenge wa Mukingo mu Karere ka Nyanza, yasanzwe mu cyuzi cya Bishya yapfuye, bikekwa ko yiyahuye.

Umurambo w’uwo mugabo wari usanzwe atuye mu mu Mudugudu wa Bweramana Mu kagari ka Cyerezo, wasanzwe muri icyo cyuzi giherereye mu Mudugudu wa Karehe mu Kagari ka Gacu mu Murenge wa Rwabicuma, kuri uyu wa Gatatu.

Amakuru y’ibanze avuga ko uyu mugabo yari asanzwe afitanye amakimbirane n’umugore we.

Umurambo we wabonywe n’umurobyi wagiye kuroba amafi muri icyo cyuzi, ahita atabaza ubuyobozi.

Umuyobozi w’Akarere ka Nyanza Wungirije Ushinzwe Imibereho Myiza y’Abaturage, Nadine Kayitesi, yabwiye IGIHE ko bikekwa ko uwo mugabo yiyahuye ariko Urwego rw’Igihugu rw’Ubugenzacyaha (RIB) rwatangiye iperereza.

Ati “Amakuru twamenye ni uko yari afite ikibazo cy’uko umugore we yamutaye akaba yibanaga. Ni ayo makuru tubashije kumenya. Umurambo wagejejwe ku Bitaro bya Nyanza gukorerwa isuzuma.”

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .