00:00:00 IGIHE NETWORK KN KINYARWANDA EN ENGLISH FR FRANCAIS

Nyanza: Umwana w’imyaka icyenda yarohamye mu cyuzi arapfa

Yanditswe na Prudence Kwizera
Kuya 8 September 2022 saa 07:30
Yasuwe :

Umwana witwa Usanase Chanceline w’imyaka icyenda, yarohamye mu cyuzi cyo mu Murenge wa Rwabicuma mu Karere ka Nyanza, arapfa.

Uwo mwana yarohamye mu Cyuzi cya Bishya mu gitondo cyo kuri uyu wa Gatatu tariki ya 7 Nzeri 2022 ahagana saa Tatu.

Amakuru agera ku IGIHE avuga ko yari kumwe n’abandi ubwo bajyaga koga muri icyo cyuzi birangira arohamye arapfa.

Yari asanzwe abana n’ababyeyi be mu Murenge wa Cyabakamyi ariko yari yagiye gusura Nyinawabo mu Murenge wa Rwabicuma.

Umuyobozi w’Akarere ka Nyanza wungirije ushinzwe iterambere ry’imibereho myiza y’abaturage, Kayitesi Nadine, yemeje ayo amakuru avuga ko abo bana bari bacitse ababyeyi babo bajya koga.

Yasabye ababyeyi kuba maso bakajya bacunga abana babo babarinda guhura n’impanuka.

Ati “Turabasaba kwitwararika abana bakamenya aho baherereye kugira ngo babarinde ibishobora gushyira ubuzima bwabo mu kaga. Ikindi ni ukujya babagira inama yo kwirinda kugira aho bajya badasabye uruhushya.”

Icyuzi cyo mu Murenge wa Rwabicuma umwana yaguyemo agapfa

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .