Nyanza: Umusore yafashwe akenyereye ku dupfunyika 700 tw’urumogi

Yanditswe na Prudence Kwizera
Kuya 21 Kanama 2020 saa 09:24
Yasuwe :
0 0

Umusore uri mu kigero cy’imyaka 25 y’amavuko yafashwe na Polisi y’Igihugu mu Karere ka Nyanza akenyereye ku dupfunyika 700 tw’urumogi yarengejeho ishati.

Uwo musore uvuga ko yari akuye urwo rumogi mu Karere ka Rubavu, yafashwe ku gicamunsi cyo kuri uyu wa Gatanu, tariki ya 21 Kanama 2020.

Yavuze ko urwo rumogi ruva muri Repubulika Iharanira Demokarsi ya Congo, rugahabwa umugore urwohereza i Nyanza ari na we akorera.

Mu buhamya bwe yiyemereye ko ari ku nshuro ya gatatu yari azanye urumogi i Nyanza.

Ubusanzwe uyu musore avuka mu Kagari ka Kora mu Murenge wa Bigogwe mu Karere ka Nyabihu.

Yagize ati “Nsanzwe nkorera umugore ujya umpa akazi yampamagaye ngo nzane itabi inaha i Nyanza ahita anyambika urumogi ndaruzana.”

Yakomeje avuga akeka ko uwo mugore ari we wamugambaniye kuko hari amafaranga yari amurimo akaba yashakaga kutayamwishyura.

Umuyobozi w’Akarere ka Nyanza, Ntazinda Erasme, yavuze ko uwo musore yatawe muri yombi biturutse ku makuru yatanzwe n’abaturage.

Yasabye abaturage kwirinda kwishora mu byaha kuko batazihanganirwa, abasaba kujya batanga amakuru igihe babonye abanyabyaha barimo abacuruza ibiyobyabwenge n’abandi.

Kuri ubu uwafatanywe urumogi afungiwe kuri Sitasiyo ya Polisi ya Busasamana mu Karere ka Nyanza mu gihe hategerejwe ko akorerwa dosiye igashyikirizwa Ubushinjacyaha.

Yafashwe yambariye ku dupfunyika 700 tw'urumogi yari avanye i Rubavu atujyanye i Nyanza
Yari avanye urumogi mu Karere ka Rubavu afatirwa i Nyanza

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .