00:00:00 IGIHE NETWORK KN KINYARWANDA EN ENGLISH FR FRANCAIS

Nyanza: Umurambo w’umusaza wasanzwe umanitse mu bwiherero

Yanditswe na Prudence Kwizera
Kuya 19 Ugushyingo 2022 saa 01:10
Yasuwe :

Umurambo w’umusaza witwa Kagenza Elizaphan wo mu Murenge wa Kigoma mu Karere ka Nyanza, w’imyka 88 y’amavuko wasanzwe umanitse mu bwiherero bikekwa ko yiyahuye.

Uwo murambo wari umanitse mu gitenge mu bwiherero bwo mu rugo rwe ku gicamunsi cyo ku wa Gatanu tariki ya 18 Ugushyingo 2022.

Yari asanzwe abana n’umugore we mu Mudugudu wa Sabununga mu Kagari ka Mulinja.

Amakuru agera ku IGIHE avuga ko umugore we ari we watabaje avuga ko asanze umugabo we amanitse mu gitenge yapfuye.

Umuyobozi w’Akarere ka Nyanza Wungirije Ushinzwe Imibereho Myiza, Kayitesi Nadine, yabwiye IGIHE ko bikekwa ko yiyahuye.

Urwego rw’Igihugu rw’Ubugenzacyaha rwahageze rwanzura ko umurambo w’uwo musaza ushyingurwa bitewe n’uko nta wagize uruhare mu rupfu rwe.

Umugore we yavuze yigeze kugerageza kwiyahura akoresheje umugozi muri Werurwe 2022 ariko aramutesha.

Yavuze ko gushaka kwiyahura yabiterwaga n’indwara yari afite zitandukanye zamubabazaga cyane.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .