00:00:00 IGIHE NETWORK KN KINYARWANDA EN ENGLISH FR FRANCAIS

Nyanza : RIB yasabye abaturage kutagura serivisi bemererwa n’amategeko

Yanditswe na Akimana Jean de Dieu
Kuya 21 September 2022 saa 09:11
Yasuwe :

Umugenzuzi mu Rwego rw’Igihugu rw’Ubugenzacyaha (RIB), Mbabazi Modetse, yibukije abaturage ko badakwiriye kugira ikiguzi icyo aricyo cyose batanga kuri serivisi bemererwa n’amategeko kuko aribyo bibyara ruswa.

Ibi yabigarutseho mu bukangurambaga RIB yakoreye mu Ntara y’Amajyepfo mu turere twa Muhanga, Nyanza na Huye.

Ubu bukangurambaga buzamara ukwezi bugamije gufasha inzego z’ibanze gukemura ibibazo by’abaturage.

Mbabazi Modeste yibukije aba baturage ko guhabwa serivisi kandi neza biri mu burenganzira bwabo.

Ati "Baturage b’Igihugu cyacu turabasaba ko mu gihe cyose mugiye gusaba serivisi ntimukwiye kugira ikiguzi icyo aricyo cyose mutanga kugira ngo muzihabwe mu gihe iyo serivisi ari uburenganzira bwawe."

Yakomeje abwira aba baturage ko nubwo ari uburenganzira bwabo guhabwa serivisi, bakwiye kujya bemera inama zose bahabwa n’inzego z’ubuyobozi ndetse n’ibyemezo bishobora gufatwa.

Umuyobozi wungirije w’Akarere ka Nyanza Ushinzwe iterambere ry’Ubukungu, Kajyambere Patrick yavuze ko gukemura ibibazo ari inshingano z’ubuyobozi kandi umuturage nawe akagira inshingano zo kwemera ibyemezo byafashwe mu gukemura ibibazo byabo.

Ati "Twebwe abayobozi dufite inshingano zo gukemura ibibazo by’abaturage kuko nitwebwe bareba kandi namwe baturage bacu mukwiye kujya mwumva inama tubagira ku bibazo byanyu, kuko iyo mutazumvise ngo munazikurikize bibateza ibibazo byo guhora musiragira. »

Yakomeje avuga ko uku gusiraga k’umuturage ari nako gushobora kubyara ruswa.

Muri ubu bukangurambaga kandi buri muturage ufite ikibazo ategwa amatwi akavuga imiterere y’ikibazo maze kigahabwa umurongo, ikitabashije kubonerwa igisubizo aho kigahabwa igihe cyo kugikemura.

.

Mbabazi Modeste yasabye abaturage kutagura serivisi kuko bifatwa nka ruswa
Abaturage bari bafite ibibazo babigejeje kuri RIB bihabwa umurongo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .