00:00:00 IGIHE NETWORK KN KINYARWANDA EN ENGLISH FR FRANCAIS

Nyamirambo: Ikariso yongera amabuno yatandukanyije umukobwa n’umukunzi we

Yanditswe na

Thamimu Hakizimana

Kuya 26 December 2013 saa 04:36
Yasuwe :

Kuri iyi Noheli, mu Kagari ka Kamuhoza mu Murenge wa Kimisagara umukobwa witwa Chanel yakubiswe n’umukunzi we Nzakamarwaniki Philbert nyuma y’uko avumburiye ko uyu mukobwa ahora yambaye amakariso amwongerera ibibuno mu gihe yari yaramukunze bitewe n’uko yabonaga ateye neza.
Munyabarenzi Eugene utuye mu Kagari ka Katabaro watumye uyu mukobwa adakubitwa, yabwiye IGIHE ko mbere yo kujya gukiza yumvise umukobwa ataka cyane asaba ubutabazi mu nzu y’umukunzi we, maze biba ngombwa ko atabara (…)

Kuri iyi Noheli, mu Kagari ka Kamuhoza mu Murenge wa Kimisagara umukobwa witwa Chanel yakubiswe n’umukunzi we Nzakamarwaniki Philbert nyuma y’uko avumburiye ko uyu mukobwa ahora yambaye amakariso amwongerera ibibuno mu gihe yari yaramukunze bitewe n’uko yabonaga ateye neza.

Munyabarenzi Eugene utuye mu Kagari ka Katabaro watumye uyu mukobwa adakubitwa, yabwiye IGIHE ko mbere yo kujya gukiza yumvise umukobwa ataka cyane asaba ubutabazi mu nzu y’umukunzi we, maze biba ngombwa ko atabara asanga bari gupfa ko asanze umukobwa yambaye ikariso imwongerera ibibuno mu gihe we yari azi ko ari uko ateye. Munyabarenzi yagize ati “Njye natunguwe numva mu masaha y’isakumi n’imwe n’igice urusaku mu baturanyi banjye ni bwo nagiye kwa Philbert kuko nturanye na we numva ari gukubita umukunzi we amuziza ko ngo yamwiyoberanyagaho buri gihe mu mezi atanu bamaranye yambara amakariso amuhindura imiterere mu gihe yateganyaga kurushinga na we.”

Umukobwa wakubiswe azira kwambara ikariso zingera ibibuno yatabawe n'abaturage

Yakomeje avuga ko iyi mirwano abaturage bayihosheje bitarakomera kuko atamukomerekeje bigaragara, ariko ko uyu mukobwa yasabye imbabazi Philbert ariko aarazimwima anamusaba kumusohokera mu nzu amubwira ko agomba kumwibagirwa burundu, kuko ngo icyizere yari amufitiye cyashize nyuma yo kubona ko yiha imiterere adafite.

Philbert yabwiye IGIHE ko gukubita umukunzi we byatewe n’akababaro yamuteye kuko atari azi ko ari imyenda yambara imuhindurira imiterere, ati “Nakubise Chanel kubera ko yanyiyoberanyijeho cyane kandi igihe kirerekire anyereka imiterere itari iye mu gihe cy’amezi atanu tumaze dukundana ariko ntazi ko yambara amakariso atuma agaragara neza bikamuha imiterere myiza itari iye.”

Umukobwa wakubiswe azira kwambara ikariso zingera ibibuno yatabawe n'abaturage

Yakomeje avuga ko mu buzima bwe yanga umukobwa wihindura uko atari kuko yari yaranamubujije kwitukuza, kuko akunda umuntu uko yaremwe ariko ntiyabikurikiza Philbert yagize ati “yego namukunze bitewe n’uko nabonaga ateye neza ariko sinari nzi ko ari ibintu biyambika batujijisha kuko yaje kwambura ngira ngo n’undi muntu ndi kureba bitewe n’uburyo menyereye imiterere ye y’amabuno. Ibi rore byatumye mbona ko ari ikariso ajya yambara zimuhindura imiterere mpitamo kumukubita kugira ngo atazanabikora n’undi muntu kuko nabonaga ari igisebo gikaze mpuye na cyo dore ko nari maze iminsi maze kumwereka umuryango wanjye mvuga ko nzamurongora ndete baranamunshima.”

Nubwo izi ngaruka zo kwambara amakariso yongera ibibuno zagaragaye kuri Chanel bigatumwa akubitwa n’umukunzi we bikanabatandukanya, amakariso yongera amabuno ni imwe mu myenda igezweho cyane yambarwa n’abakobwa b’abanyamujyi bifuza kugaragara neza imbere y’abasore cyangwa abakunzi babo mu gihe bari bakwiye gukundirwa uko bateye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .