Nyamasheke: Yapfiriye mu bwiherero bamuhaye 2500Frw ngo akuremo itara

Yanditswe na Sitio Ndoli
Kuya 4 Kamena 2020 saa 01:39
Yasuwe :
0 0

Umuturage witwa Munyaneza François w’imyaka 35 wari usanzwe utuye mu mudugudu wa Rubavu mu kagali ka Nyamugari, mu Murenge wa Shangi, bamuhaye amafaranga 2500Frw, ngo azane itara ryaguye mu bwiherero.

Ibi byabaye kuwa Kabiri ariko umurambo w’uyu mugabo ukurwamo mu masaha ya saa munani kuri uyu wa Gatatu tariki ya 3 Kamena 2020, nk’uko byemezwa na bamwe mu baturanyi b’uyu muryango.

Uyu mugabo wari asanzwe akora akazi ko gucukura imyobo y’ubwiherero, bivugwa ko yahawe amafaranga 2500Frw ngo amuzanire itara ritangwa na Tubura ryaguye mu bwiherero bwa metero 12 maze aheramo kugeza batabaje ubuyobozi bumukuramo saa munani z’ejo ku wa Gatatu.

Niyonsaba Jean Baptiste, Umunyamabanga nshingwabikorwa w’agateganyo w’Umurenge wa Shangi, avuga ko uwamuhaye amafaranga ngo ajye kuzana itara yafashwe agashyikirizwa ubugenzacyaha ishami rya Shangi.

Ati “Umuturanyi we yagiye mu bwiherero nijoro afite itara riramucika rigwamo bareba umuturanyi wari usanzwe ucukura imisarani, badutabaje saa kumi n’imwe za mu gitondo, tujyayo tugerageza gucukura dusanga yapfuye mu masaha ya saa munani. Uwo mugore yatubwiye ko yari yamwemereye 2500Frw ubwo yari ari kuri RIB.”

Akomeza asaba abaturage kureka kwishoroa mu bikorwa byangiza ubuzima bwabo. Umurambo wa Munyaneza ukaba wajyanwe mu bitaro bya Bushenge ngo ukorerwe isuzuma.

Umurambo wa Munyaneza ukaba wajyanwe mu bitaro bya Bushenge ngo ukorerwe isuzuma

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .