Nyamasheke: Minaloc yatunguwe n’abagabo bagaragara mu bigo byakira inzererezi

Yanditswe na Sitio Ndoli
Kuya 15 Gashyantare 2020 saa 03:04
Yasuwe :
0 0

Hirya no hino mu gihugu cyane mu Mujyi wa Kigali no mu turere tw’imijyi, usanga hari abana bari ku mihanda bazwi nk’inzererezi, kuri ubu hari n’abantu bakuru na bo basigaye bagaragagara ku mihanda nk’inzererezi.

Umunyamabanga wa leta muri Minisiteri y’Ubutegetsi bw’igihugu, Ignatienne Nyirarukundo, ubwo yari mu Karere ka Rusizi na Nyamasheke, yavuze ko ikibazo cy’abantu bakuru b’inzererezi giteye inkeke.

Intumwa yari ayoboye mu ruzinduko bagiriye mu turere twa Rusizi na Nyamasheke, basanze mu bigo byakira inzererezi (Transit center) harimo n’abantu bakuze kandi byari bimenyerewe ko haba harimo abakiri bato.

Nyirarukundo avuga ko hari ibintu bishya biri kugaragara, aho usanga bamwe mu bagabo barabaye inzererezi, ibintu ngo bitari bisanzwe.

Ati “Transit Center ntizari iz’abakuru, ni ni ukuri njyewe ndi gutangara. Twari tumenyereye mayibobo wenda z’abana, urahasanga umwana, mayibobo y’umuntu ufite ubwanwa, ufite imvi, nonese muri kumva ibyo bintu bisanzwe?”.

Nyirarukundo avuga kandi ko ibi bikwiye gutera isoni ubikora kubera kutuzuza inshingano ze ariko na none igihe kikagera hagakurikizwa amategeko.

Ati “Ni uguha abantu inshingano zabo, icya mbere ni ikinegu ku kuba uri aho nta kikureba, njyewe abanyarwanda bameze gutyo ntabo nari nzi ariko ngo ibihe biha ibindi ibintu bigenda bihinduka.”

Ubuyobozi bw’ikigo cy’igihugu gishinzwe igororamuco, buvuga ko buri mwaka ibigo byakira inzererezi bicamo abantu barenga ibihumbi bitandatu harimo n’abantu bakuru.

Nyirarukundo yavuze ko hakwiye ingamba zo guca ubuzererezi bugaragara no mu bakuze
Intumwa za Minaloc zasanze muri Transit Center ya Nyamasheke harimo n'abantu bakuze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .