00:00:00 IGIHE NETWORK KN KINYARWANDA EN ENGLISH FR FRANCAIS

Nyagatare: Umuturage yafatanwe litiro 185 za Kanyanga

Yanditswe na Bukuru JC
Kuya 9 Mutarama 2022 saa 07:06
Yasuwe :

Kuri uyu wa Gatanu tariki ya 07 Mutarama abapolisi bo mu ishami rishinzwe kurwanya ibyaha n’ubucuruzi bwa magendu (ASOC) bafatanye umugabo litiro 185 za kanyanga.

Yafatiwe mu Karere ka Nyagatare, Umurenge wa Kiyombe, Akagari ka Kabungo, Umudugudu wa Cyondo.

Uwafashwe yeretswe itangazamakuru kuri uyu wa Gatandatu tariki ya 8 Mutarama ku biro bya Polisi mu Karere ka Nyagatare, Umurenge wa Nyagatare.

Uwafashwe yemeye ko yajyaga aca mu nzira za rwihishwa akajya muri Uganda agakurayo kanyanga akazizana mu Rwanda. Yavuze we na mugenzi we wacitse bari bakoresheje amagare binjiza izo kanyanga.

Umuvugizi wa Polisi mu Ntara y’Iburasirazuba, Chief Inspector of Police (CIP) Hamduni Twizeyimana yavuze ko uwo mugabo yafashwe biturutse ku makuru yatanzwe n’abaturage.

Yagize ati " Bariya bose bari batanzweho amakuru n’abaturage bari bababonye binjira mu Rwanda rwihishwa bafite imifuka irimo kanyanga. Abapolisi bahise bihutira kubafata babona abantu batatu ku magare bafiteho imifuka, gusa hafashwe umwe abandi baracika."

Uwafashwe yahise afungwa mu gihe abandi bagishakishwa.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .