Ni umuco umaze kumenyerwa mu Mujyi wa Kigali ko iyo iminsi mikuru yegereje, yaba Ubuyobozi bwawo cyangwa ubw’ibigo bitandukanye bihakorera usanga bakora amanywa n’ijoro bashakisha uko bawurimbisha imitako ku buryo bunogeye amaso.

Ukwezi kugiye kwirenga abafite ubuhanga mu kurimbisha ahantu hahurira abantu benshi bataryama, barara bakora iyo bwabaga ngo imirimo yo kurimbisha Umujyi wa Kigali yihute iminsi mikuru izasange ushashagirana.

Iyo uzengurutse kuri ubu mu Mujyi wa Kigali cyane ku mihanda minini, uhasanga abakozi bakora iyo bwabaga ngo barimbishe uyu mujyi.Uretse kurimbisha umujyi wa Kigali, imyiteguro y’iminsi mikuru ya Noheli n’Ubunani irarimbanyije mu nguni zose.

Amatara ya Noheli, ibirugu, imitako n’ibindi bigaragaza ko iminsi mikuru yegereje byatangiye gutegurwa mu nguni zose za Kigali uhereye ku bacuruzi, mu nkengero z’imihanda, ahahurira abantu benshi n’ahandi.

Ni imyiteguro ifite byinshi isobanuye dore ko imyaka yari ibaye ibiri abantu batabasha kwizihiza iminsi mikuru bari kumwe mu bwisanzure bitewe n’icyorezo cya Covid-19 cyari cyaribasiye Isi nzima.

Imirimo yo kurimbisha Kigali Convention Center isa n'iri kugana ku musozo

Ucyinjira muri Kigali Convention Center uhita wibwira aho iminsi igeze kubera amatara ashashagirana n'ibirugu binogeye ijisho

Radisson Blu Hotel iri muri Kigali Convention Center iba irabagirana mu masaha y'ijoro

I&M Bank nayo yarimbishije inyubako yayo, waba uyiri kure cyangwa hafi uhita ubona ko biteguye bikomeye iminsi mikuru

Ucyinjira muri nyinshi mu nyubako zihuriramo abantu benshi i Kigali, uri gusangamo imitako imeze nk'uyu

Umujyi wa Kigali si wo wari gusigara

Ku biro by'Umujyi wa Kigali ni uku harimbishijwe

Abagana Umujyi wa Kigali biraborohera guhita bamenya ko iminsi y'umwaka yagiye

Banki ya Kigali nayo yamaze gutaka ku cyicaro cyayo

Mu masangano y'imihanda mu mujyi rwagati harimbishijwe imitako yaka nijoro

Mu gihe habura ibyumweru bibiri ngo umwaka urangire, mu Mujyi rwagati hararabagirana

Inyenyeri yaka na nijoro, imurikira abazenguruka mu Mujyi wa Kigali

Imitako itandukanye yashyizwe mu Mujyi rwagati

Abahanga mu kurimbisha ahantu bari gukora amanywa n'ijoro

Ntabwo baryama, bari kurwana n'uko ibirori by'impera z'umwaka byasanga umujyi wamaze kurimbishwa

Abahanga bo kwamamaza batangiye gutera ibyapa aharimbishijwe kurusha ahandi

Imihanda minini nayo yamaze gushyirwaho amatara y'imitako

Ku Gisimenti hamaze kurimbishwa naho

Nubwo hakiri iminsi, imirimo yo kurimbisha Kigali iri kugana ku musozo

Imihanda ya Kigali yashyizwemo amatara agaragaza ko hiteguwe iminsi mikuru

Amafoto: Igirubuntu Darcy