Ni iki gishobora kugufatisha utunze indangamuntu y’inyiganano?

Yanditswe na

Ntawitonda Jean Claude

Kuya 15 Werurwe 2015 saa 05:00
Yasuwe :
0 0

Ikarita y’indangamuntu ni kimwe mu byangombwa by’agaciro nk’uko bivugwa n’abazi akamaro kayo ndetse n’inzego zishinzwe kuzikora, kuko ifasha kuranga umuturarwanda ndetse kuri ubu inamufasha kubona serivisi zidandukanye.

Indangamuntu ziri mu byorohereza nyirayo guhabwa serivisi zirimo kwandikisha SIM Card, gufunguza konti no kwaka amafaranga kuri banki, kwinjira mu bigo bikomeye, gushaka uruhushya rwo gutwara ibinyabiziga, gusaba urwandiko rw’abajya mu mahanga n’ibindi.

Hari n’ubwo inzego zihinzwe umutekano zitanyurwa mu gihe zigerageza kwaka ibyangombwa abagenzi bakazana ibihabanye n’indangamuntu cyangwa passport.

Nk’uko izina ryayo birivuga, indangamuntu irenga kuba icyangombwa cyo kwerekana gusa, ikaba igice kimwe mu biranga umuntu nyawe aho anyuze hose, cyane cyane iyo abayisaba bakoresha ikoranabuhanga riyisoma.

Umumaro w’indangamuntu wiyongereye cyane muri iki gihe hakoreshwa ikoranabuhanga mu kuzisoma, ku buyo ibice bitagaragarira amaso, bigaragarira abo bireba bazi n’impamvu zabyo.

Gusa bivugwa ko hari n’indangamuntu zishobora gukorwa mu buryo bunyuranije n’amategeko; nubwo zigaragara nk’indangamuntu ariko hari umwimerere ziba zidafite kuko zitagaragara mu bubiko bw’amakuru arebana n’abaturarwanda bose.

Ese wowe uzi ikikuranga ku ndangamuntu yawe? Iki kibazo gishobora kuba cyoroshye cyane kuri bamwe ariko ku bandi kikaba kikiri ihurizo...

Umuyobozi w’Ikigo cy’Igihugu Gishinzwe Indangamuntu (NIDA/National ID Agency), Nyamulinda Pascal, yagaragaje ko ikiranga umuntu cy’ibanze ari nimero zigaragirwa n’imyirondoro runaka.

Mu kigairo yagiranye na IGIHE yagize ati “Inomero ni cyo kintu kigize ikarita... inomero niyo itanga identification (ikirango) y’umuntu yihariye ni ukuvuga go ntawe ushobora kuyihuza n’undi.”

Indangamuntu z'umwimerere zica mu ruganda ruzigira umwihariko n'iza magendu

Buri tsinda ry’imibare kuri nimero z’indangamuntu rifite icyo rihagarariye

Nyamulinda kandi yasobanuye neza icyo nimero ziba zihagarariye. Niba Nimero y’indangamuntu ari 1 1935 7 0015231 0 61. Buri tsinda rifite icyo rihagarariye mu mibare 16 iyigize:

* Umubare 1 uhagararira Umunyarwanda, mu gihe 2 ihagararira impunzi yahawe indangamuntu, naho 3 igahagararira Umunyamahanga.

* 1935: uyu mubare uri hajya umwaka w’amavuko wa ya nyiri indangamuntu.

* Umubare 7 wo uhagararira igitsina-gore mu gihe 8 uhagararira umugabo ku ndangamuntu.

* 0015231: Iyi mibare ihagararira indi mibare tumaze kubona, aho igaragaza igihe umuntu yafatiye indangamuntu, ari uwa kangahe mu bagabo/gore bavutse mu mwaka biyandkishije runaka mu gihugu... (serial number).

* Umubare zero (0) uhagararira uwafashe ndangamuntu ku ikubitiro, ariko uko ajya gusaba indi agenda yongererwa nshuro (handiwaho 1, 2, 3...) muri NIDA bakaba bazi ko amaze gufata nimero runaka.

* 61: Nyamulinda yemeza ko iyi nimero ihera ari wo mwihariko ndetse ibisobanuro byayo ari ibya NIDA (check sum).

Umuyobozi w’Ikigo cy’Igihugu Gishinzwe Indangamuntu, Nyamulinda Pascal

“[...] Muri izi nimero, imibare 13 ni yo igaragaza umuntu uwo ari we. gusa ngo n’iyo wakora izindi nimero zose ntushobora gukora ibiri ya nyuma... Uburyo (indangamuntu) ikorwamo ntiwapfa kubutahura.”

Nyamulina yemeza ko mu ndangamuntu harimo ibindi bintu bigaragaza umwimerere wayo utapfa kubona n’amaso (security feature) biboneka iyo indangamuntu ishyizwe mu byuma.

Ese warataye indangamuntu ukayihinduza hanyuma iya mbere ukayibona hari icyo yaba ikumariye?

Nyamulinda yemeza ko iyi ndangamuntu ntacyo yaba imaze mu gihe wakorewe indi, cyane ko iramutse ishyizwe mu byuma bizisoma, itabasha gusomeka.

Yagaragaje ko umuntu ashobora kuyigenderaho, ariko aramutse afashwe yahanwa kuko yaba agendera ku ndangamuntu itagifite agaciro (invalid).

Na none kandi ngo biragoye kuba umuntu umwe yakorerwa indangamuntu ebyiri, keretse aramutse abeshye imyirondoro (amazina cyangwa aho avuka) akavuga binyuranye n’ibyo yataze mbere, ndetse akanitwaza igikumwe kitari icye.

Zimwe mu nzira indangamuntu zicamo zikorwa, amakuru ya nyirayo asigara muri NIDA

[email protected]
Twitter:@jctwittonda

Amafoto: Nkinzingabo Jacques


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza