Musanze: Umucungamutungo wa Sacco akurikiranweho kuyobya amafaranga agenewe amatsinda

Yanditswe na N.Kubwimana Janvière
Kuya 2 Kamena 2020 saa 09:36
Yasuwe :
0 0

Umucungamutungo wa Sacco ya Nyange yo mu Karere ka Musanze, ari mu maboko ya RIB akurikiranweho kuyobya amafaranga agera kuri miliyoni 2.7 Frw, akayohereza ku wundi mukiliya kandi yari agenewe amatsinda asanzwe akorana n’iyi Sacco.

Ibi byamenyekanye ku wa Gatatu w’icyumweru gishize, ubwo ikigo cyanyujije aya mafaranga kuri Sacco kugira ngo agezwe ku matsinda akorana nayo, cyaje kugaragaza ko atabagezeho, biza kumeneykana ko yahawe undi mukiliya agahita ayabikuza.

Umuyobozi w’iyi Sacco, Karegeya Apollinaire, avuga ko umucungamutungo yohereje amafaranga kuri konti y’umukiliya kandi atari we yari agenewe, uwayohererejwe na we ahita ayafata yose yishyura ideni yari abafitiye.

Karegeya akavuga ko bishoboka ko umucungamutungo yaba yarabikoze yibeshye, ariko batabihamya ahubwo bategereje ikizava mu iperereza.

Hagati aho ngo ayo matsinda azahabwa amafaranga yose yari agenewe, Sacco izasigare ikurikirana abakoze amakosa.

Yakomeje ati "Ntituramenya niba umucungamutungo yaribeshye akohereza aya mafaranga atabizi cyangwa yarabikoze babiziranyeho n’uyu mukiliya, kuko ubwabo bashinjanya ko bari babiziranyeho, ubu dutegereje ikizava mu iperereza."

Umucungamutungo n’uwakiriye ayo mafaranga, bombi bafungiwe kuri sitasiyo ya Polisi ya Muhoza kugira ngo iperereza rikomeze gukorwa.

Umucungamuntungo wa Sacco ya Nyange yatawe muri yombi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .