Musanze: Ba Gitifu babiri b’imirenge basezeye

Yanditswe na N.Kubwimana Janvière
Kuya 20 Nzeri 2019 saa 05:04
Yasuwe :
0 0

Munyemana Desire wari Umunyamabanga Nshingwabikorwa w’Umurenge wa Remera na Nteziryayo Emmanuel wari Umunyamabanga Nshingwabikorwa w’Umurenge wa Cyuve mu Karere ka Musanze, basezeye ku mirimo yabo ku mpamvu zinyuranye.

Amabaruwa yo kwegura bandikiye Akarere kuri uyu wa 20 Nzeri 2019, yari akubiyemo ibisobanuro bivuga ko bananiwe kujyana n’umuvuduko w’iterambere ry’umujyi, bagahitamo kwegura ngo baharire abashoboye.

Umuyobozi w’Akarere ka Musanze, Ntirenganya Emmanuel, yemeje ko amabaruwa y’ubwegure bwabo bayakiriye, igisigaye ni ugusuzuma niba ibikubiyemo ari byo.

Ati "Banditse basaba kwegura ku mirimo yabo bavuga ko iterambere ry’umujyi wa Musanze ryihuse rikabasiga bityo bakaba bananiwe. Ibi babikoze ku bushake bwabo, igisigaye ni ukwicara tugasuzuma impamvu batanze ku bwegure bwabo niba koko ari ukuri."

Uku kwegura gukurikiye inkundura y’iyegura n’iyeguzwa ry’abari abayobozi b’Akarere ka Musanze, aho uwari Visi Meya ushinzwe imibereho myiza y’abaturage Uwamariya Marie Claire yeguye naho Meya Habyarimana Jean Damascene akeguzwa, mu gihe uwari Visi Meya ushinzwe ubukungu, Ndabereye Augustin yeguriye muri gereza kubera ibyaha byo gukubita no gukomeretse umugore we akurikiranweho.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza