Mu rugamba rwo kubohora igihugu, Gen. Kabarebe yarwanye n’intare

Yanditswe na
Kuya 29 Nyakanga 2013 saa 12:09
Yasuwe :
0 0

Mu rugendo ruganisha ku rugamba rwo kwibohora ingoma yavanguraga abanyarwanda bamwe, igamije kubaheza i shyanga, Gen. Kabarebe James avuga ko Abanyarwanda bahuye n’ibigeragezo byinshi, akaba hari aho yageze nawe akarwana n’intare.

Minisitiri w’ingabo mu Rwanda Gen. James Kabarebe avuga ko mu mwaka 1982 ubwo yari impunzi mu gihugu cya Uganda, umunsi umwe yari agiye ku ishuri anyure ku ngabo za Milton Obote zirimo zikina amakarita imbunda zirambitse iruhande rwabo. Zikimukubita amaso aho yari mu muhanda wari uri hafi yabo bateruye imbunda baravuga bati “ Kariya ni akanyarwanda” ubwo batangiye kumwigiraho kurasa amasasu amwe agwa iruhande rwe andi aho avanye ibirenge kugera arenze.

Uyu munsi ngo niwo watumye ibitekerezo bya Gen James Kabarebe bihinduka yishyiramo ko agomba kuba umusirikare.

Ubwo Abanyarwanda bari impunzi muri Uganda bari bafashe umwanzuro wo gutaha mu Rwanda mbere y’itangira ry’intambara yo kwibohora mu mwaka 1990 batashye mu Rwanda binjirira mu Mutara n’inka zabo bambukira Kizinga bakambika hafi y’ikiraro cya Kazaza.

Ubwo bari bakambitse aho, saa sita zijoro batewe n’intare yari iturutse Nyarupfubire guhera ubwo Gen James Kabarebe atangira kurwana n’intare we n’abandi basore 12 bari bari kumwe.

Ahereye ku byo abantu bavugaga ko umuntu urwana n’intare atajya asubira inyuma, Gen James Kabarebe yafashe inkoni atangira kurwana n’intare afatanije na bagenzi be kugera saa kumi n’imwe za mugitondo, intare iragenda.

Gen. Kabarebe avuga ko mu buhunzi Abanyarwanda bahuye n’ibibazo bitandukanye ku buryo nta munyarwanda ukwiye kongera guhura n’akaga. Ati “Ibyo Abanyarwanda bahuye nabyo mu mateka yabo, n’ibyo kwigirwaho”.

Gen – Kabarebe avuga ko nta munyarwanda ukwiriye kongera guhabwa ibyangombwa byitwa indanga-mpunzi ati “ Abanyarwanda twigire ku mateka yacu twubake u Rwanda.” Ibi byose yabivugiye mu kiganiro nyungurana bitekerezo cyahuje abanyamakuru n’abahanzi kigamije gusobanukirwa n’amateka, "Youth connekt"

[email protected]

Minisitiri w’ingabo mu Rwanda Gen. James Kabarebe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .