00:00:00 IGIHE NETWORK KN KINYARWANDA EN ENGLISH FR FRANCAIS

Minisitiri Biruta yahagarariye Perezida Kagame mu nama y’abakuru b’ibihugu bigize ECCAS

Yanditswe na Muhonzire Sylvine
Kuya 19 January 2022 saa 05:38
Yasuwe :

Minisitiri w’Ububanyi n’Amahanga w’u Rwanda, Dr. Vincent Biruta, yahagarariye Perezida Paul Kagame mu nama ya 20 y’abakuru b’ibihugu bigize Umuryango w’Ubukungu bw’Ibihugu bya Afurika yo Hagati, ECCAS.

Iyi nama iri kubera i Brazaville muri Congo, yabaye kuri uyu wa 19 Mutarama 2022, aho yabanjirijwe n’izindi nama zahuje abayobozi batandukanye barimo abagize inzego z’umutekano zitandukanye bo mu bihugu 11 bigize ECCAS biga ku bijyanye n’amahoro n’umutekano muri aka karere.

Uyu muryango washinzwe mu 1983 uhuza ibihugu byo muri Afurika yo hagati birimo Angola, u Burundi, Cameroun, Centrafrique, Congo-Brazzaville, Repubulika Iharanira Demokarasi ya Congo, Gabon, Guinée Equatoriale, Tchad, Sao Tome & Principe n’u Rwanda.

Intego nyamukuru y’uyu muryango ni uguhuza ubufatanye bw’ibi bihugu hagamijwe guteza imbere Afurika mu bijyanye n’ubukungu binyuze mu kongera ubushobozi bw’inganda, guteza imbere ubuhinzi, kubyaza umusaruro umutungo kamere, kongera ingufu, ubucuruzi, guteza imbere uburezi, ingendo, itumanaho, siyansi, ikoranabuhanga n’ibindi.

Gusa ibi byose ntibyagerwaho nta mahoro, bikaba ariyo mpamvu hashyirwa imbaraga mu bijyanye na Politiki n’ umutekano mu rwego rwo kuzamura imibereho y’abatuye mu bihugu bigize ECCAS bikunda kwibasirwa n’ibitero by’imitwe yitwaje intwaro.

U Rwanda ni kimwe mu bihugu byatangiranye nawo ruza kuwikuramo mu 2008, rwongera kuwusubiramo mu 2016.

Iyi nama y'abakuru b'ibihugu yari iyobowe na Perezida wa Congo-Brazzaville, Denis Sassou Nguesso
Minisitiri Biruta yahagarariye Perezida Kagame mu nama y'abakuru b'ibihugu bigize ECCAS

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .