00:00:00 IGIHE NETWORK KN KINYARWANDA EN ENGLISH FR FRANCAIS

Madagascar: Rajaonarimampianina arasatira intebe ya perezidansi

Yanditswe na

Twizeyimana Fabrice Fils

Kuya 26 December 2013 saa 02:56
Yasuwe :

Amajwi amaze kubarurwa magingo aya mu matora y’umukuru w’igihugu, arashyira imbere umukandida wa leta iriho muri Madagascar Hery Rajaonarimampianina n’amajwi 51, 8 ku ijana.
Imibare y’agateganyo yashyizwe hanze mu gitondo cyo kuri uyu wa kane igaragaza ko Hery Rajaonarimampianina ushyigikiwe na perezida w’inzibacyuho Andry Rajoelina ari kurusha amajwi mukeba we Robinson Jean Louis we ushyigikiwe n’uwigeze kuba perezida Marc Ravalomanana mu majwi yo mu biro by’itora 66/100 nk’uko (…)

Amajwi amaze kubarurwa magingo aya mu matora y’umukuru w’igihugu, arashyira imbere umukandida wa leta iriho muri Madagascar Hery Rajaonarimampianina n’amajwi 51, 8 ku ijana.

Imibare y’agateganyo yashyizwe hanze mu gitondo cyo kuri uyu wa kane igaragaza ko Hery Rajaonarimampianina ushyigikiwe na perezida w’inzibacyuho Andry Rajoelina ari kurusha amajwi mukeba we Robinson Jean Louis we ushyigikiwe n’uwigeze kuba perezida Marc Ravalomanana mu majwi yo mu biro by’itora 66/100 nk’uko JeuneAfrique ibitangaza.

Hery Rajaonarimampianina

Muri iyi minsi y’ibarura ry’amajwi abakandida bombi bari batangaje ko batsinze ndetse buri wese agashinja mugenzi we uburiganya mu majwi, ndetse Jean Louis we yageze n’aho asaba ko kubarura amajwi bihagarara.

Indorerezi mpuzamahanga zemeje ko amatora yabaye mu mucyo no mu bwisanzure, bityo abasaba abakandida kuzubaha uguhitamo kwa rubanda bemera nta ntugunda ibyavuye mu matora yo ku wa 20 Ukuboza.

Madagascar yakomeje kuba isibaniro rya politiki kuva mu mwaka wa 2009 ubwo Marc Ravalomanana yahirikwaga ku butegetsi n’uwari umuyobozi w’umujyi w’umurwa mukuru Antananarivo Andry Rajoelina wanahise aba perezida w’inzibacyuho kugeza ubu.

Yaba Ravalomanana cyangwa Rajoelina nta n’umwe wabashije kwiyamamaza muri aya matora kubera igitutu cy’amahanga yatinyaga ko havuka imvururu, buri wese ahitamo gushaka uwo ajya inyuma muri aba bahanganye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .