Kigali: Umukozi wa Isco yirashe arapfa

Yanditswe na IGIHE
Kuya 10 Gashyantare 2020 saa 01:28
Yasuwe :
0 0

Umukozi wa Sosiyete icunga umutekano, Isco, witwa Ntatinya Audace yirashe arapfa mu gitondo cyo kuri uyu wa Mbere ubwo yari mu kazi ku Kicukiro.

Uyu mukozi yari agiye gusimbura mugenzi we waraye izamu aho yakoreraga ku Kicukiro. Ntabwo haramenyekana impamvu zatumye yirasa ariko Polisi yatangiye iperereza.

Umuvugizi wa Polisi mu Mujyi wa Kigali, CIP Umutesi Marie Gorette, yabwiye IGIHE ati "Ayo makuru ni yo. Byabaye mu ma saa tatu z’igitondo. Ni umukozi wa Isco witwa Ntatinya Audace. Akomoka mu Karere ka Gicumbi. Yari aje gusimbura uwaharaye hanyuma afata imbunda arirasa."

CIP Umutesi yasabye abantu kwirinda ibintu byose byavamo icyaha, asaba ko mu gihe umuntu afite ikibazo adakwiriye guheranwa nacyo ku buryo byageza aho ahara ubuzima bwe.

Ati "Abantu ntibakwiye guheranwa n’ibibazo, iyo ufite ikibazo ukwiye kukivuga kigakemuka n’abandi baturage ni ngombwa ko batanga amakuru mbere y’uko bivamo icyaha."

Ifoto igaragaza ibiro bikuru bya Isco

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .