Kigali: Umugore w’umuzunguzajyi yarwanye n’uwamwatse ibye yiyita umupolisi

Yanditswe na

Thamimu Hakizimana

Kuya 16 Werurwe 2015 saa 08:57
Yasuwe :
0 0

Umugore uzwi ku zina rya Kazungu ucururiza imyenda mu Kajagari mu Mujyi wa Kigali rwagati yarwanye n’umugabo wamwambuye ibye yiyita umupolisi kandi nta mwambaro w’akazi yambaye.

Amakuru aturuka mu baturage biremeraga iyi mirwano yaberaga hafi y’inyubako nshya y’Abashinwa (T 2000) ubwo uyu mugore yarwanaga n’uyu mupolisi saa kumi n’imwe zo kuri uyu wa Mbere tariki 16 Weurwe, bavuga ko byatewe n’uko hari abatekamutwe basigaye biyita abapolisi bakabambura ibicuruzwa byabo.

Uyu mugore uzwi ku zina rya Kazungu, mu Kiganiro yagiranye na IGIHE ubwo yambikwagwa amapingu n’abandi bapolisi nyuma yo kurwana na mugenzi wabo utari yambaye imyenda y’akazi cyangwa amugaragaza ko ashinzwe umutekano, yavuze ko yabitewe n’uko nta kintu na kimwe cyamugaragarizaga ko ue kumufata ari umupolisi.

Uwambaye ishati itukura ni we warwanyye n'umuzunguzayi ubwo yageragezaga kumwambura imyenda nta kiranga ko ari polisi

Yagize ati “ Si ubwa mbere haza abantu bakatwambura ibicuruzwa byacu yaba; hari n’abajura basigaye basonza batubona bakiyita abapolisi kugira ngo babitwambure.”

Yakomje avuga ko icyatumye arwana n’uyu musore ari uko yamenye ko atari umupolisi na gato.

Yagize ati “Twarwanye ibikurikira byose bibe ariko byatewe n’uko nangaga ko yanyambura igishoro cyanjye kuko nta handi hantu mfite nakura ikindi.”

Gusa umunyamakuru wa IGIHE yagerageje kuganiza uyu musore wakubiswe n’umuzunguzajyi agaragaza ko atari umupolisi ahubwo ari umu-Dasso.

Yagize ati “ Hoya ntabwo nakubwira byinshi gusa njye sindi umupolisi ariko nkora akazi ku mutekano muri Dasso.”

Polisi yaje umugore acisha make, aremera aramutwara

Kubijyanye n’abapolisi bafata abantu bacuruza mu nzira ntabibaranga bafite cyangwa se batambaye imyenda y’akazi bambaye,Umuvugizi wa Polisi mu Rwanda, CSP Celestin Twahirwa, avuga ko umupololisi bitamusaba kwambara imyenda kubera ko abantu benshi babahunga ariko akavuga ko iyo babafashe babibwira.

Naho kubijyanye n’aho ibintu bifatwa na Polisi yaba ibyo kurya cyangwa imyambaro bijyanwa, avuga ko ku karere byafatiwemo ari ko kamenya icyo kabikoresha.

Gusa nubwo umuvugizi agaragaza ko aba bapolisi bafata abantu bacuruza mu kajagari atari ngombwa kwambara imyenda y’akazi, bamwe mu baturage batandukanye bakunze gutembere mu Mujyi wa Kigali bagaragaza ko na bo bibabangamira.

Nyuma yo kubona ari kumwe n'abapolisi bambaye imyenda y'akazi yacishije make

Musoni Kevin utuye mu Murenge wa Muhima, avuga ko polisi yari ikwiye gufata izindi ngamba ikoresha kuko hari igihe kinini usanga abirukanswa bagwisha cyangwa bagahutaza abagenzi.

Yagize ati “Hari igihe ubona birukanse ku muntu agahutaza nk’umugore utwite cyangwa umusaza wajya kureba umwirukankije ugasanga nta myenda yambaye.”

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza