00:00:00 IGIHE NETWORK KN KINYARWANDA EN ENGLISH FR FRANCAIS

Kigali: Isindwe ry’abamotari ribangamiye abagenzi mu mpera z’umwaka

Yanditswe na

Thamimu Hakizimana

Kuya 28 Ukuboza 2013 saa 03:49
Yasuwe :
0 0

Bamwe mu batuye mu Mujyi wa Kigali n’abahagenda bakoresha moto mu ngendo zabo, bafite impungenge zo kugendera kuri moto muri iyi minsi mikuru isoza umwaka bitewe n’uburyo hari bamwe mu bamotari batwara banyoye inzoga.
Sibomana Faustin Umugabo w’imyaka 42 utuye mu Murenge wa Nyarugenge mu Kagali ka Biryogo, yabwiye IGIHE ko mu mpera z’umwaka we atajya agendera kuri moto bitewe n’uko hari bamwe mu bamotari batwara abagenzi basinze.
Yagize ati ”Ubu si nshobora na gato kugendera kuri moto muri (...)

Bamwe mu batuye mu Mujyi wa Kigali n’abahagenda bakoresha moto mu ngendo zabo, bafite impungenge zo kugendera kuri moto muri iyi minsi mikuru isoza umwaka bitewe n’uburyo hari bamwe mu bamotari batwara banyoye inzoga.

Sibomana Faustin Umugabo w’imyaka 42 utuye mu Murenge wa Nyarugenge mu Kagali ka Biryogo, yabwiye IGIHE ko mu mpera z’umwaka we atajya agendera kuri moto bitewe n’uko hari bamwe mu bamotari batwara abagenzi basinze.

Yagize ati ”Ubu si nshobora na gato kugendera kuri moto muri iyi minsi isoza umwaka, kuko mba mbona abamotari bo muri iyi minsi baba bameze nk’abarozwe kubera uburyo baba bagenda nabi, gusa impamvu ya mbere yanteye ubwoba n’uko vuba aha mperutse gutwarwa n’umotari wasinze kandi ku buryo byagaragariraga buri wese”.

Benedata Husein ucururiza muri Gare ya Nyabugogo yabwiye IGIHE ko amaze kuzinukwa kugedera kuri moto cyane cyane muri izi mpera z’umwaka, kuko aherutse gukora impanuka itewe n’umotari wamugwishije muri ruhurura mu buryo butumvikana maze nyuma azagusanga yasinze.

Izi mpungenge zigaragazwa n’abaturage batandukanye bakoresha Moto mu buzima bwabo bwa buri munsi zikaba zifite ishingiro kuko na Polisi y’Igihugu iherutse gutangaza ko 15% by’impanuka 507 zabaye muri uyu mwaka wa 2013 zatewe n’abatwara moto, aho n’impfu nyinshi z’abaziguyemo babaga ari abagenzi n’abamotari ubwabo.

Polisi y’Igihugu kandi nanone iherutse gukangurira abantu ko bagomba kwigengesera mu ikoreshwa ry’inzira nyabagendwa, hitwararika mu kubahiriza amategeko y’umuhanda, mu rwego rwo kwirinda impanuka zikunze gucura inkumbi mu mperera z’umwaka.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .