00:00:00 IGIHE NETWORK KN KINYARWANDA EN ENGLISH FR FRANCAIS

Kigali:Abanyamakuru barasura mugenzi wabo Uwimana Nkusi muri Gereza ya Kigali

Yanditswe na

IGIHE

Kuya 31 Ukuboza 2013 saa 04:21
Yasuwe :
0 0

Abanyamakuru bo mu Rwanda kuri uyu wa Kabiri tariki ya 31 Ukuboza 2013, umunsi wa nyuma w’u mwaka wa 2013, barasura mugenzi wabo Uwimana Nkusi Agnes wari umuyobozi w’Ikinyamakuru Umurabyo wakatiwe igihano cyo gufungwa imyaka ine.
Aba banyamakuru bagize icyo gitekerezo cyo gusura mugenzi wabo mu gihe abura amezi agera kuri arindwi ngo igihaho cy’imyaka ine yahawe kirangire.
Mukakibibi Saidati wari umwanditsi mu Kinyamakuru Umurabyo wari ufunganwe nawe ariko we warangije igihano, avugako iki (...)

Abanyamakuru bo mu Rwanda kuri uyu wa Kabiri tariki ya 31 Ukuboza 2013, umunsi wa nyuma w’u mwaka wa 2013, barasura mugenzi wabo Uwimana Nkusi Agnes wari umuyobozi w’Ikinyamakuru Umurabyo wakatiwe igihano cyo gufungwa imyaka ine.

Aba banyamakuru bagize icyo gitekerezo cyo gusura mugenzi wabo mu gihe abura amezi agera kuri arindwi ngo igihaho cy’imyaka ine yahawe kirangire.

Mukakibibi Saidati wari umwanditsi mu Kinyamakuru Umurabyo wari ufunganwe nawe ariko we warangije igihano, avugako iki gitekerezo cyo gusura mugenzi wabo ari mu rwego rwo kumushyigikira no kumufata mu mugongo mu gihe igihano yakatiwe kitararangira.

Mu rwego rwo gusura Uwimana abanyamakuru babishaka barahurira kuri Gereza Nkuru ya Kigali kuri uyu wa Kabiri ku isaha ya saa munani z’amanywa, aho kandi ukeneye ibindi bisobanuro ashobora kwifatanya nabo akaba yanahamagara kuri (+250)728251163.

Ntibyari bikunze kubaho ko abanyamakuru bo mu Rwanda bishyira hamwe mu buryo bwo kuba ku ruhande rwa bagenzi babo bari mu bibazo runaka, mu gihe nyamara ibi usanga bikorwa mu bindi bihugu.

Uwimana ufunzwe azira inyandiko zasohotse mu kinyamakuru Umurabyo yari abereye umuyobozi yahawe igihano cy’imyaka itatu n’Urukiko rw’Ikirenga rumaze kumuhamya icyaha cyo kuvutsa igihugu umudendezo, aho rwanamuhamije icyaha cyo gusebya umukuru w’igihugu, rumugenera igihano cyo gufungwa umwaka umwe, bityo ahabwa igihano cy’imyaka 4. Igihano cyavanywe ku myaka 17 n’ihazabu ingana 250.000 yari yarakatiwe n’Urukiko Rukuru ku ikubitiro.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .