00:00:00 IGIHE NETWORK KN KINYARWANDA EN ENGLISH FR FRANCAIS

Kicukiro: Ibiro by’akagari bigiye kwirukanwa mu nzu kubera ubukode

Yanditswe na

Olivier Rubibi

Kuya 20 Ukuboza 2013 saa 02:37
Yasuwe :
0 0

Ibiro by’akagari ka Kicukiro gaherereye mu Mudugudu w’Umumwe Akagari ka Kicukiro, Murenge wa Kicukiro Akarere ka Kicukiro Umujyi wa Kigali, byasabwe kuva mu nzu bya kodeshaga nyuma yo kumara amezi atandatu batishyura amafaranga y’ubukode.
Ibi biro by’akagari bikodesha inzu n’abana basinzwe n’umuryango wa Nzisabira Frederic, nyuma yo kumara amezi agera kuri atandatu aka kagali katishyura amafaranga y’ubukode kuri ubu abo bana bagize uwo muryango bahaye igihe ntarengwa ako kagali ngo kabe kashatse (...)

Ibiro by’akagari ka Kicukiro gaherereye mu Mudugudu w’Umumwe Akagari ka Kicukiro, Murenge wa Kicukiro Akarere ka Kicukiro Umujyi wa Kigali, byasabwe kuva mu nzu bya kodeshaga nyuma yo kumara amezi atandatu batishyura amafaranga y’ubukode.

Ibi biro by’akagari bikodesha inzu n’abana basinzwe n’umuryango wa Nzisabira Frederic, nyuma yo kumara amezi agera kuri atandatu aka kagali katishyura amafaranga y’ubukode kuri ubu abo bana bagize uwo muryango bahaye igihe ntarengwa ako kagali ngo kabe kashatse ahandi kimukira kuko, hari undi mukiriya ushaka kuyijyamo ndetse wamaze no kwishyura. Kugeza ubu ariko akagari ntabwo karimuko nubwo kahawe ngo kabe kavuye mu nzu yamaze kurenga.

Nk’uko Mukarugira Nathalie uhagarariye abana ba Nsabira yabitangarije IGIHE ngo bafashe umwanzuro wo gusaba ubuyobozi bw’Akagari ka Kicukiro ko bwabasubiza ibyumba bibiri bwakodeshaga nyuma yaho abayobozi b’aka kagari banaririwe kwishyura amafaranga ibihumbi makumyabiri by’amafaranga y’u Rwanda ya buri kwezi.

Mukarugira yakomeje avuga ko ubuyobozi bw’akagari ka Kicukiro bwari bumaze kubajyamo umwenda w’amafaranga ibihumbi ijana na makumyabiri y’u Rwanda (120,000 Rwf).

Umuryango wa Nsabira ngo wafashe icyemezo cyo gusaba Ubuyobozi bw’Akagari ka Kicukiro ngo bujye gushaka ahandi bucumbika, kuko inzu yari yamaze kubona umukiriya mushya uzajya wishyura amafaranga arenze kure ayo akagari kishyuraga kandi akishyura neza.

Aba bana ngo bahaye iminsi 15 ubuyobozi bw’akagari ngo bujye gushaka ahandi, iyi minsi irarangira bongeraho indi minsi ine nayo irarangira none bakomeje kwanga gusohoka mu nzu mu gihe nyamara bamaze gufata andi mafaranga y’uwashakaga gukodesha.

Niyireba Achille Umunyamabanga Nshingwabikorwa w’Umurenge wa Kicukiro aganira na IGIHE yadutangarije ko ubuyobozi bw’akagari butigeze bwanga kuva muri iyi nzu, ahubwo aba bana batunguje icyemezo cyabo ubuyobozi bw’akagari ariko hakaba harimo gukorwa ibishoboka byose ngo aba bana babone inzu yabo nk’uko babyifuza.

Niyireba yakomeje avuga ko ubuyobozi bw’Akagari ka Kicukiro butigeze bunanirwa kwishyura aba bana amafaranga y’ubukode, ahubwo amafaranga y’aba bana basabwe inshuro nyinshi ko bayahabwa ariko bakayanga bikaba bicyekwa ko aba bana bwari uburyo bakoreshaga kugirango bashyire ikosa ku buyobozi bw’akagari ndetse banabone uko bakura ubuyobozi bw’akagari muri iyi nzu. Icyifuzo cyabo rero ngo kikaba kizubahirizwa bitarenze ku wa mbere w’icyumweru gitaha.
Umuryango wa Nsabira Frederick ugizwe n’abana ukaba usangiye inzu ubamo n’akagari ka Kicukiro. Utugari twinshi mu Rwanda ntabwo turabasha kubona amazu bwite yo gukoreramo uturarabasha kwiyubakira inzu tukorera mu biro by’inkodeshanyo.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .