Karongi: Minisitiri Busingye yakiriye indahiro z’abagenzacyaha 43 abasaba kurwanya ihohoterwa

Yanditswe na Mukwaya Olivier
Kuya 1 Gashyantare 2020 saa 01:17
Yasuwe :
0 0

Minisitiri w’ubutabera akaba n’intumwa nkuru ya leta, Busingye Johnston, yarahije abagenzacyaha 43 baturuka mu turere twa Karongi, Rutsiro, Nyamasheke na Rusizi, abaha umukoro wo kurwanya ihohoterwa nk’icyaha kirambiranye mu Rwanda.

Mu ijambo rye nyuma yo kwakira indahiro kuri uyu wa Gatanu, Busingye yababwiye ko hari ibyaha bisanzwe bikorwa ariko ihohoterwa ryo rifite umwihariko, abasaba kurirwanya ku buryo uwafashwe azajya azinukwa.

Ati “Ihohoterwa rishingiye ku gitsina, isambanywa ry’abana, ihohoterwa rikorerwa mu ngo ntabwo ari imishinga yananiranye, ntabwo ari ruswa, ntabwo ari ubujura, ntabwo ari ubwambuzi bushukana, ntabwo ari sheke zitazigamiwe, ntabwo ari inyandiko mpimbano byose ni ibyaha ariko ibi bifite umwihariko dushaka ko bihagarara”.

Minisitiri Busingye yasabye abagenzacyaha kujya mu rugamba rwo kurwanya ihohoterwa n’umutima wabo wose.

Ati “Iyi ntambara murayijyamo murakaye, ndabasaba kurakara simvuga kurakara mu maso ndavuga uburakari bwo gukora ibyo tugomba gukora, akazi dushinzwe kugira ngo hatagira uwongera gukora iki cyaha hakabura ibimenyetso. Ndashaka ko uzajya abifatirwamo azajya arahira kutazabisubira’’.

Aba bagenzacyaha biyongereye ku bandi barahiriye mu Karere ka Rubavu, tariki 21 Mutarama bagera kuri 57 bo mu turere twa Rubavu, Nyabihu, Musanze, Ngororero na Rutsiro.

Abagenzacyaha barahiye basabwe guha umwihariko ibyaha by'ihohoterwa
Minisitiri Busingye yasabye abagenzacyaha gufata ihohoterwa nk'icyaha kidasanzwe
Umuyobozi wungirije wa RIB, Isabelle Karihangabo yavuze ko aba bagenzacyaha bafitiwe icyizere kandi bagomba kugisigasira
Abagenzacyaha barahiye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .