Karongi:Abatuye mu mujyi basabye gukizwa amabandi yitwikira ijoro akabambura

Yanditswe na Mukwaya Olivier
Kuya 19 Mata 2020 saa 10:59
Yasuwe :
0 0

Abaturage bo mu karere ka Karongi, umurenge wa Bwishyura baravuga ko basigaye batinya kugenda iyo bwije kubera amabandi abambura yitwaje ko amatara yo ku mihanda atakibasha kwaka.

Bavuga ko unyuzeho wese bamushikuza telefone cyangwa igikapu, ubuyobozi bw’umurenge bukizeza ko ikibazo bukizi burimo kugishakira ibisubizo.

Abamburwa ni abaturuka mu mujyi wa Kibuye berekeza ahazwi nko muwa Gasirika kuko kugera ahari Kiliziya amatara yazimye. Abandi bavuga ko bamburwa ni abaturuka mu mujyi wa Kibuye basohoka berekeza i Kigali, bagera mu kagali ka Nyarusazi, umudugudu wa Bupfune, ahari urutoki rumaze iminsi rukambitsemo amabandi.

Abaturage bavuga ko batewe inkeke n’ayo mabandi abambura utwabo mu masaha y’umugoroba, ku buryo hasi abasigaye banga kuhanyura ari bonyine iyo bwije.

Hari umuturage wavuze ko bari bagiye kumwambura, babonye haje umugabo bakiruka.

Ati “Kuba amatara yo ku muhanda yarazimye agakora igice kimwe bitiza umurindi ayo mabandi akigabiza umuhanda mugihe cy’umwijima akabasha kwambura abaturage. Nanjye baherutse kuntega nka saa moya z’umugoroba babonye umugabo bariruka.”

Uwitwa Mukashema we yavuze ko bamwambuye telefone. Ati “Mperutse kwamburwa telefone ngendanwa ubwo navaga mu mujyi ntashye. Bashikuje isakame nari mfite mu ntoki ntaragera ku Kiliziya kubera ko amatara atarimo yaka. Nabonye abasirikare mbatekerereza ibimbayeho gusa ababikoze bari bamaze kwiruka.”

Umunyamabanga Nshingwabikorwa w’umurenge wa Bwishyura, Ayabagabo Faustin yavuze ko iki kibazo ko bakizi, ndetse mu minsi mike kizaba cyakemutse kuko ubuyobozi bwabihagurukiye.

Ati “Ikibazo cy’amatara ataka turakizi kandi twamaze kuvugana n’akarere kuko ni ikibazo cyihutirwa cyane. Akarere katanze isoko ku muntu uzakora ayo matara ataka nyuma hazamo ikibazo ariko mu minsi mike kiraba cyakemutse.”

Yavuze ko abashinzwe umutekano bamaze iminsi bashakisha ayo mabandi, ndetse ngo aba mbere batangiye gufatwa.

Ifoto igaragaza umujyi wa Karongi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .