00:00:00 IGIHE NETWORK KN KINYARWANDA EN ENGLISH FR FRANCAIS

Kamonyi: Imvura ivanze n’amahindu yasenyeye abarenga 30

Yanditswe na Prudence Kwizera
Kuya 6 April 2022 saa 11:41
Yasuwe :

Imvura ivanze n’amahindu n’inkubi y’umuyaga yasenyeya imiryango irenge 30 yo mu Murenge wa Mugina mu Karere kaKamonyi yangiza n’imyaka ihinze mu mirima.

Iyo mvura yaguye ku mugoroba wo kuri uyu wa Kabiri tariki ya 5 Mata 2022.

Umunyamabanga Nshingwabikorwa w’Umurenge wa Mugina, Ndayisaba Jean Pierre Egide yabwiye IGIHE ko iyo mvura yaguye mu tugari twa Mbati na Runda yangiza inzu z’abaturage 33 n’ibikoni 46 ubwiherero 46 n’inzu enye z’ubuzuruzi.

Yagize ati “Kugeza ubu hamaze kubarurwa inzu abaturage babagamo 33 n’ubwiherero 46, ibikoni 46 n’inzu enye z’ubucuruzi. Hari inzu zasenyutse burundu n’izindi zishobora gusanwa.”

Iyo mvura kandi yangije n’imyaka y’abaturage yari ihinze mu mirima irimo imyumbati, ibigori, soya n’urutoki n’iyindi ku buso bwa hegitali 26.

Abaturage basenyewe n’iyo mvura bacumbitse mu baturanyi naho abandi bagerageje kubasanira inzu zangiritse kugira ngo babone aho bikinga.

Ndayisaba yavuze ko bari baragerageje gukangurira baturage kwirinda ibiza bazirika ibisenge by’inzu kandi bari barabikoze ariko kuri ubu bari kongera kugenzura niba biziritse neza kuko hari n’ibyo umuyaga waraye ujegeje.

Yavuze ko ku bufatanye na Minisiteri y’Ibikorwa by’ubutabazi ndetse n’Akarere ka Kamonyi n’abaturage bakomeje ibikorwa byo gufasha abagizweho ingaruka n’iyo mvura yaraye iguye.

Zimwe mu nzu zasenyutse burundu
Imyaka yari ihinze mu mirima irimo soya yangiritse
Imvura yaraye iguye muri Kamonyi yari irimo n'amahindu.

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .