ISPA yegukanye igihembo cy’indashyikirwa mu gutanga serivisi za Internet mu Rwanda

Yanditswe na Uwiduhaye Theos
Kuya 11 Ukwakira 2018 saa 11:08
Yasuwe :
0 0

Ikigo cya ISPA kimaze imyaka 13 gikwirakwiza umuyoboro wa interineti mu Rwanda, giherutse guhabwa igihembo cyo kuba aricyo cyahize ibindi bikora nkacyo muri uyu mwaka.

Iki gihembo ISPA yagihawe mu cyumweru gishize ubwo hatangwaga ibihembo bya Service Excellence Awards bisanzwe bitangwa hagamijwe gushimira ibigo bya leta n’ibyigenga byahize ibindi mu gutanga serivisi nziza mu Rwanda.

Account Manager wa ISPA, Joshua Kabalisa, yabwiye IGIHE ko iki gihembo kigiye gutuma bongera imbaraga mu byo bakora.

Ati”Kuba twabaye aba mbere, twabyakiriye neza byadushimishije. Biba byerekana ko abakiliya bacu babonye serivisi nziza. Tugiye gukora neza kurushaho. Serivisi zikubiyemo ibintu byinshi, harimo kuba babona interineti nziza ndetse no kuba ugize ikibazo isaha iyo ariyo yose duhita tumuha ubufasha.”

Yakomeje avuga gutwara igihembo byavuye ku mbaraga nyinshi bashyize mu kazi kabo kugira ngo interineti nziza igere kuri buri munyarwanda aho aherereye hose mu gihugu.

Kabalisa avuga ko hari ihame bafite bagenderaho buri munsi ryo “kuba hafi y’abakiliya bakabamenyera icyo bakeneye mbere y’uko bo babibona ubwabo.” Cyangwa se ibyo twakwita mu rurimi rw’Icyongereza ‘Get closer to your customers and tell them what they need before they realize it’.

Asaba abantu b’ingeri zose kubagana kuko batazigera bicuza. Bakorana na n’amabanki, ibigo by’amashuri, amahoteli , ambasade, ibigo bidashamikiye luri leta n’ibiyishamikiyeho , abafite bizinesi nto n’iziringaniye( SME’s)n’ibigo binini(corporate companies)n’abandi benshi.

Ashimangira ko “usibye ko twakoze neza ku ruhande rwacu, n’abo dukorana bateye imbere cyane bishimishije bitewe na internet twabahaye ”.

Tukaba dushimira abakiriya bacu tunabatura igihembo (Award) twabonye kuko badahari ntitwari kukibona kuko nibo dukorera.

Ubusanzwe ISPA itanga serivisi zirimo gukwirakwiza interineti itagira imigozi[wireless broadband], Virtual Private Network[VPN] ndetse n’icishwa munsi y’ubutaka izwi nka fiber optics.

Ikigo gitanga serivisi za Internet (ISPA), cyegukanye igihembo cy’indashyikirwa mu gutanga serivisi za internet
Igihembo ISPA yahawe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza