00:00:00 IGIHE NETWORK KN KINYARWANDA EN ENGLISH FR FRANCAIS

Inzozi Lotto yatangije umukino mushya w’amahirwe

Yanditswe na Muyisenge Jean Felix
Kuya 3 August 2022 saa 05:54
Yasuwe :

Mu mikino y’amahirwe ya Inzozi Lotto hiyongereyemo umukino wa 4 witwa Igitego Lotto usanga indi nka Quick Lotto, Jackpot Lotto na QUICK 10.

Igitego Lotto ni umukino uzajya utuma haboneka umuntu utsindira amafaranga buri munsi ukaba ukinwa mu buryo bumeze nka tombola, aho umuntu asabwa gukina imbare ibiri maze agahitamo aho iyo mibare ijya.

Ushobora guhitamo ko ari imibare ibiri itangira itike yawe, imibare iyirangiza cyangwa ijya hagati. Iyo uhisemo iyo mibare ibiri uhabwa urutonde rw’amatike asigaye arimo iyo mibare maze ugahitamo iyo ushaka. Iyo tike iba igizwe n’imibare 6 ikagura amafaranga 200Frw.

Iyo umaze kwishyura iyo tike ihita ivanwaho ku buryo nta wundi muntu ushobora guhabwa indi isa nkayo. Amatike yose yaguzwe ku munsi ashyirwa hamwe akavangwa maze hakavamo imwe itsinda.

Umuntu utsinze ahabwa 47% y’amafaranga yose yakinwe mu mukino wa Igitego Lotto uwo munsi mu gihugu hose.

Umuntu kandi aba yemerewe kongera kugura indi tike umunsi ukurikiyeho, ibi bivuze ko ushobora gutsindira iki gihembo iminsi ibiri yikurikiranya.

Uyu mukino uba guhera ku wa Mbere kugera ku wa Gatandatu.

Tombola yo kureba uwegukanye igihembo cy’umunsi iba buri saa kumi n’imwe z’umugoroba. Abantu bose bakinnye bamenyeshwa imibare yatsindiwe biciye ku mbuga zitandukanye. Igitego Lotto izatangira guhera tariki ya 3 Kanama.

Umuyobozi wungirije wa Carousel Ltd ifite mu nshingano Inzozi Lotto, Nshuti Thierry, yavuze ko uyu mukino uje mu rwego rwo korohereza abakinnyi no kuzamura umubare w’abatsinda muri iyi mikino.

Ati "Turateganya ko umukino mushya uzahuza abakinnyi benshi, ukanatanga amahirwe yo guhindura ubuzima bwa benshi ari na ko bifasha kwinjiza amafaranga ajya mu mishinga yo guteza imbere siporo.”

Buri wese wujuje imyaka 18 no hejuru yayo ashobora gukina yifashishije ‘aba-agents’ bari hirya no hino ku mihanda cyangwa agakoresha telefoni akanda *240#. Ushobora no gusura urubuga rwa Inzozi Lotto unyuze aha.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .