Imyaka itanu irashize abubatse Laboratwari ya GS Gahini bishyuza REB

Yanditswe na HABIMANA James, Hakizimana Jean Paul
Kuya 24 Werurwe 2019 saa 10:24
Yasuwe :
0 0

Abaturage 40 bashyize mu majwi Ikigo cy’igihugu gishinzwe Uburezi (REB), kubarangarana bakaba bamaze imyaka itanu bishyuza miliyoni 12 Frw kibabereyemo.

Aba baturage bakoze imirimo yo kubaka Laboratwari ku mashuri yisumbuye ya Gahini aherereye mu Karere ka Kayonza Intara y’Iburasirazuba.

Umwe muri aba baturage yabwiye IGIHE ko mu 2014 REB yahaye rwiyemezamirimo Real Vision Company kubaka iyi Laboratwari, na we ashyiraho abandi bakozi bagombaga kumuzanira ibikoresho birimo imicanga, ibyuma n’ibindi.

Nyuma uyu rwiyemezamirimo ngo yaje guhagarika aka kazi ndetse agenda atishuye abo yakoreshaga bose.

Yavuze ko nyuma REB yaje gushyiraho undi rwiyemezamirimo akomeza akazi, iki kigo cyemerera aba baturage bari bambuwe ko bagiye kuyishyurwa.

Yagaragaje ko “Buri mwaka REB yatubwiraga ko mu ngengo y’imari ikuriyeho izashyiramo ibi birarane byacu ariko imyaka itanu irashize kandi natwe ibyo twazanaga byabaga ari iby’abandi twafashe.”

Aba baturage bagerageje kwifashisha ubuyobozi bw’akarere ka Kayonza ngo bubakorere ubuvugizi kuri REB, gusa ntacyo byatanze.

Impapuro IGIHE ifitiye kopi, zerekana Umuyobozi w’akarere ka Kayonza, Murenzi Jean Claude, yandikira REB ayimenyesha urutonde rw’abaturage n’amafaranga bishyuza.

Umwe mu bayobozi muri Minisiteri y’Uburezi yavuze ko koko Ubuyobozi bw’Akarere ka Kayonza bwandikiye REB buyibwira ko igomba kwishyura aba baturage.

Ubwo yabazwaga aho REB igeze ikemura iki kibazo cy’aba baturage, mu butumwa bugufi, Umuyobozi Mukuru wa REB, Dr Ndayamabaje René yabwiye IGIHE ko hari itsinda Minisiteri y’Uburezi yashyizeho kugira ngo rikurikirane iby’iki kibazo.

Umuyobozi w'Akarere ka Kayonza yandikiye REB ayisaba ko yakwishyura aba baturage
Abaturage 40 bashyize mu majwi Ikigo cy'igihugu gishinzwe Uburezi (REB), kubarangarana bakaba bamaze imyaka itanu bishyuza miliyoni 12 Frw kibabereyemo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza