00:00:00 IGIHE NETWORK KN KINYARWANDA EN ENGLISH FR FRANCAIS

Ibyumba by’amasengesho bisigaye bifatirwamo abagore ku ngufu

Yanditswe na

Philbert Hagengimana

Kuya 31 Ukwakira 2014 saa 01:42
Yasuwe :

Komisiyo y’Igihugu y’Uburenganzira bwa Muntu yemeje ko igiye gufatanya n’inzego zibishinzwe igahagurukira ikandagirwa ry’uburenganzira bwa muntu rikorerwa mu byumba by’amasengesho, aho abagore bafatirwa ku ngufu.
Komiseri muri iyi Komisiyo Me Nkongori Laurent yatangarije abanyamakuru kuwa Kane tariki ya 30 Ukwakira ko kimwe n’uko urusaku rwahagurukiwe kubera ko rwangizaga uburenganzira bwa muntu, ibibera mu byumba by’amasengesho bitubahiriza uburenganzira bwa muntu nabyo bigiye guhagurukirwa, (...)

Komisiyo y’Igihugu y’Uburenganzira bwa Muntu yemeje ko igiye gufatanya n’inzego zibishinzwe igahagurukira ikandagirwa ry’uburenganzira bwa muntu rikorerwa mu byumba by’amasengesho, aho abagore bafatirwa ku ngufu.

Komiseri muri iyi Komisiyo Me Nkongori Laurent yatangarije abanyamakuru kuwa Kane tariki ya 30 Ukwakira ko kimwe n’uko urusaku rwahagurukiwe kubera ko rwangizaga uburenganzira bwa muntu, ibibera mu byumba by’amasengesho bitubahiriza uburenganzira bwa muntu nabyo bigiye guhagurukirwa, anahamya neza ko
hari ibimenyetso bifatika bigaragaza ko hakorerwa amahano atagira ingano.

Me Nkongori yaguze ati“Komisiyo y’Igihugu y’Uburenganzira bwa Muntu ifite n’ibindi bibazo bitari n’iby’urusaku. Insengero, ibyumba by’amasengesho bitanazwi, bikorerwamo amahano menshi.”

Yavuze ko bazafatanya n’inzego bireba kugira ngo ibyo byumba by’amasengesho na byo bifungwe.

Me Nkongori Laurent

Komisiyo irimo gukurikirana ibirebana n’ifatwa ku ngufu kw’abagore n’abakobwa mu byumba by’amasengesho, ihamya ko ifite ibimenyetso bikubiye mu buhamya bwa bamwe mu bagiyeyo bagiye gutakambira Imana ngo ibakize, bakahafatirwa.

Me Nkongori ati“Bya bindi byo gufata abagore n’abakobwa ku ngufu birahakorerwa, hari ibyo turiho dukurikirana kandi dufite ibimenyetso, ubuhamya bw’abahafatiwe ku ngufu, ubuhamya bw’abafite uburwayi bwo mu mutwe bagiye gusaba Imana ngo ibakize indwara zo mu mutwe ”.

Yakomeje avuga ko gusenga ari uburenganzira bwa muntu, kandi ko babyemerewe, ariko nta we ubangamiye undi.

Uretse kuba hari abagore n’abakobwa basambanyirizwa muri ibyo byumba, hari n’abahitamo kuba ari byo bajyamo bizezwa gusengerwa bagakira uburwayi bwabo, bikarangira bahasize ubuzima, kandi nyamara barashoboraga kujya kwa muganga bakavurwa bagakira.

Ibyumba by’amasengesho ni ahantu hiherereye abashaka gutakambira Imana ku mpamvu zitandukanye, akenshi bakaba batekereza ko ariho hari butume baganira n’Imana nk’uko babyifuza, gusa hakaba atari inshuro ya mbere hatungwa agatoki ko bamwe mu bahagana bajya bahohoterwa.

Mu ntangiriro z’uyu mwaka Umujyi wa Kigali watangaje ko ku bufatanye na Polisi, abagana ibyumba by’amasengesho bitemewe n’amategeko bazajya bafungwa cyangwa bagacibwa ihazabu kugeza kuri miliyoni y’amafaranga y’u Rwanda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .